រាជធានីភ្នំពេញ ៖ ប្រមុខការទូតកម្ពុជាបានបញ្ជាក់សារជាថ្មីពីការប្តេជ្ញាចិត្តក្នុងការធានាថា ទីម័រឡេស្តេអាចចូលរួម និងរួមចំណែកក្នុងយន្តការអាស៊ាននានា ប្រកបដោយអត្ថន័យក្នុងការកសាងសហគមន៍អាស៊ាន ។ នេះបើតាមការចេញផ្សាយរបស់ក្រសួងការបរទេស និងសហប្រតិបត្តិការអន្តរជាតិ ។…
រាជធានីភ្នំពេញ ៖ ប្រមុខការទូតកម្ពុជាបានបញ្ជាក់សារជាថ្មីពីការប្តេជ្ញាចិត្តក្នុងការធានាថា ទីម័រឡេស្តេអាចចូលរួម និងរួមចំណែកក្នុងយន្តការអាស៊ាននានា ប្រកបដោយអត្ថន័យក្នុងការកសាងសហគមន៍អាស៊ាន ។ នេះបើតាមការចេញផ្សាយរបស់ក្រសួងការបរទេស និងសហប្រតិបត្តិការអន្តរជាតិ ។
ក្រសួងបានឲ្យដឹងថា នៅរសៀលថ្ងៃទី២៥ ខែតុលា ឆ្នាំ២០២៥ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញចូលរួមកិច្ចប្រជុំក្រុមប្រឹក្សាសម្របសម្រួលអាស៊ាន (ACC) លើកទី៣៧ នៅទីក្រុងគូឡាឡាំពួ ប្រទេសម៉ាឡេស៊ី ។
អង្គប្រជុំបានស្វាគមន៍ទីម័រឡេស្តេក្នុងសហគមន៍អាស៊ាន ហើយបានសម្តែងនូវភាពជឿជាក់ថា ការចូលជាសមាជិកនេះ នឹងពង្រឹងនូវបរិយាបន្ន សាមគ្គីភាព និងភាពធន់របស់អាស៊ាន ក្នុងការសម្រេចបាននូវចក្ខុវិស័យអាស៊ានឆ្នាំ២០៤៥។
ក្រសួងការបទេសបានលើកឡើងថា ក្នុងន័យនេះ កម្ពុជាបានបញ្ជាក់សារជាថ្មីពីការប្តេជ្ញាចិត្តក្នុងការធានាថាទីម័រឡេស្តេអាចចូលរួម និងរួមចំណែកក្នុងយន្តការអាស៊ាននានាប្រកបដោយអត្ថន័យក្នុងការកសាងសហគមន៍អាស៊ាន ៕
ចែករំលែកព័តមាននេះ