រាជធានីភ្នំពេញ ៖ ប្រមុខការទូតកម្ពុជាបង្ហាញការប្តេជ្ញាចិត្ត ធ្វើការងារប្រកបដោយន័យស្ថាបនាជាមួយប្រទេសសមាជិកអាស៊ានទាំងអស់ ។ ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ…
រាជធានីភ្នំពេញ ៖ ប្រមុខការទូតកម្ពុជាបង្ហាញការប្តេជ្ញាចិត្ត ធ្វើការងារប្រកបដោយន័យស្ថាបនាជាមួយប្រទេសសមាជិកអាស៊ានទាំងអស់ ។
ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានចូលរួមកិច្ចប្រជុំរដ្ឋមន្ត្រីការបរទេសអាស៊ាន នៅទីក្រុងគូឡាឡាំពួ ប្រទេសម៉ាឡេស៊ី នៅព្រឹកថ្ងៃទី២៥ ខែតុលា ឆ្នាំ២០២៥ ។ នេះបើតាមបណ្តាញសង្គមតេឡេក្រាមរបស់ក្រសួងការបទេសកម្ពុជា ។
ប្រភពបានលើកឡើងថា ទោះបីជាមានបញ្ហាប្រឈមជាសកល និងភាពមិនប្រាកដប្រជាក៏ដោយ អង្គប្រជុំបានគូសបញ្ជាក់ពីកិច្ចខិតខំប្រឹងប្រែងរួមគ្នា ដើម្បីកសាងសហគមន៍អាស៊ានឱ្យកាន់តែរឹងមាំ និងភាពធន់សម្រាប់ប្រជាជាតិទាំងអស់គ្នា។
ឯកភាព និងមជ្ឈភាពអាស៊ាន គឺជាគន្លឹះដ៏សំខាន់។ ឧបនាយករដ្ឋមន្ត្រី ប្រាក់ សុខុន បានគូសបញ្ជាក់ពីការប្តេជ្ញាចិត្តរបស់កម្ពុជា ដើម្បីធ្វើការងារប្រកបដោយន័យស្ថាបនាជាមួយ ប្រទេសសមាជិកអាស៊ានទាំងអស់ និងភាគីពាក់ព័ន្ធនានា ដោយផ្អែកលើគោលការណ៍នៃការជឿទុកចិត្ត និងផលប្រយោជន៍រួម ៕
ចែករំលែកព័តមាននេះ