រាជធានីភ្នំពេញ ៖ យោងតាមក្រសួងមុខងារសាធារណៈបានឱ្យដឹងថា តាមការគ្រោងទុក បេក្ខជនសរុបចំនួន ៨,៨៩៥នាក់ (ស្រី ៦,១៩៥នាក់) នឹងត្រូវចូលរួមប្រឡងប្រជែងសមត្ថភាពគ្នា ដោយគោរពតាមគោលការណ៍និយាមនីតិវិធីស្តីពីការប្រឡងប្រជែង…
រាជធានីភ្នំពេញ ៖ យោងតាមក្រសួងមុខងារសាធារណៈបានឱ្យដឹងថា តាមការគ្រោងទុក បេក្ខជនសរុបចំនួន ៨,៨៩៥នាក់ (ស្រី ៦,១៩៥នាក់) នឹងត្រូវចូលរួមប្រឡងប្រជែងសមត្ថភាពគ្នា ដោយគោរពតាមគោលការណ៍និយាមនីតិវិធីស្តីពីការប្រឡងប្រជែង ដើម្បីបានជាប់និងក្លាយជាគ្រូបង្រៀនផ្អែកលើកិច្ចព្រមព្រៀងការងារនៅសាលាបឋមសិក្សា ខណៈនេះ បេក្ខជនចូលរួមប្រឡងប្រជែងកំពុងមានវត្តមានជាបន្តបន្ទាប់នៅតាមមណ្ឌលប្រឡងនីមួយៗ ។
មានតែបេក្ខជនចំនួន៣,២១៣នាក់ប៉ុណ្ណោះ នឹងត្រូវបានជ្រើសរើសចុងក្រោយ ឱ្យចូលបម្រើការងារនៅតាមគ្រឹះស្ថានបឋមសិក្សាសាធារណៈ ស្ថិតក្នុងភូមិសាស្ត្ររដ្ឋបាលខេត្តចំនួន០៥ ៖ ខេត្តព្រៃវែង ខេត្តត្បូងឃ្មុំ ខេត្តកំពង់ចាម ខេត្តបាត់ដំបង និងខេត្តតាកែវ ។
បេក្ខជនទាំងអស់ នឹងត្រូវឆ្លងកាត់វិញ្ញាសាសម្រាប់ការប្រឡងប្រជែងចំនួន៣ រួមមាន៖ (១) វិញ្ញាសាភាសាខ្មែរ រយៈពេល ១ម៉ោង (២) វិញ្ញាសាគណិតវិទ្យា រយៈពេល ១ម៉ោង ៣០នាទី ៣០នាទី និង (៣)វិញ្ញាសាចំណេះដឹងទូទៅ និងភាសាអង់គ្លេស រយៈពេល ១ម៉ោង ៣០នាទី។
សូមជម្រាបដែរថា សម្រាប់ចំណតយានយន្តនៅមណ្ឌលប្រឡង សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច មានចំនួនកំណត់ សូមបេក្ខជនប្រឡងមេត្តារួសរាន់មកដល់មណ្ឌលប្រឡងឱ្យបានទាន់ពេលវេលាកំណត់។
បញ្ជាក់៖ សូមបេក្ខជនដែលត្រូវចូលរួមការប្រឡងប្រជែងទាំងអស់ សូមអញ្ជើញមកដល់ទីតាំងមណ្ឌលប្រឡងរបស់ខ្លួននីមួយៗយ៉ាងយូរឱ្យបានមុន១ម៉ោង។
ចែករំលែកព័តមាននេះ