ខេត្តបន្ទាយមានជ័យ ៖ អគ្គីភ័យបានឆាបឆេះឃ្លាំងអេតចាយអស់ស្ទើទាំងស្រុងជំនាញសន្និដ្ឋានអាចបណ្តាលឆ្លងចរន្តអគ្គីសនីនៅយប់ថ្ងៃទី២៣ ខែតុលា ឆ្នាំ២០២៥ ស្ថិតភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។…
ខេត្តបន្ទាយមានជ័យ ៖ អគ្គីភ័យបានឆាបឆេះឃ្លាំងអេតចាយអស់ស្ទើទាំងស្រុងជំនាញសន្និដ្ឋានអាចបណ្តាលឆ្លងចរន្តអគ្គីសនីនៅយប់ថ្ងៃទី២៣ ខែតុលា ឆ្នាំ២០២៥ ស្ថិតភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
លោកវរៈសេនីយ៍ត្រី ព្រឹម សុផល នាយប៉ុស្តិ៍រដ្ឋបាលនគរបាលសង្កាត់ផ្សារកណ្តាលប្រាប់ថា អគ្គីភ័យបានឆាបឆេះឃ្លាំងអេតចាយ១កន្លែងនៅម៉ោង១២និង៣០នាទីយប់បណ្តាលឆាបឆេះខូចខាតឃ្លាំងស្តុកអេតចាយទំហំ៤០ម៉ែត្រគុណ៦០ម៉ែត្រមានម្ចាស់ឈ្មោះ ប៉ាល់ ចំរេីន ភេទប្រុស អាយុ៤៧ឆ្នាំនៅចំណុចជិតវត្តផ្សារកណ្តាល ភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត។
លោកបានបញ្ជាក់ថា៖អគ្គីភ័យដែលឆាបឆេះឃ្លាំងអេតចាយអស់ទាំងស្រុងអាចបណ្តាលមកពីឆ្លងចរន្តអគ្គីសនីទើបបង្កមានការឆាបឆេះឡើងបណ្តាលឆេះខូចខាតសម្ភារៈមានគ្រឿងចក្រប្រភេទអែស្ការ២គ្រឿង រថយន្តដឹក១គ្រឿង និងម៉ាស៊ីនគៀប១គ្រឿងនិងសម្ភារៈមួយចំនួនទៀត។
លោកវរៈសេនីយ៍ត្រី ព្រឹម សុផល បានបញ្ជាក់ថា៖អគ្គីភ័យដែលឆាបឆេះឃ្លាំងអេតចាយកម្លាំងអន្តរាគមន៍មានកម្លាំងនគរបាល កងរាជអាវុធហត្ថ យោធាតំបន់ប្រតិបត្តិការសឹករងក្រុងរថយន្តពន្លតើអគ្គីភ័យ៩គ្រឿងប្រើប្រាស់ទឹក៦៣ឡានដែលពន្លត់ចាប់ពីម៉ោង១២.៣០នាទីយប់រហូតម៉ោងនេះមិនទាន់រលត់ទាំងនៅឡើយទេនៅតែផ្សែង៕
ចែករំលែកព័តមាននេះ