ខេត្តស្ទឹងត្រែង ៖ នៅព្រឹកថ្ងៃទី២២ ខែតុលា ឆ្នាំ២០២៥ រដ្ឋបាលស្រុកបុរីអូរស្វាយសែនជ័យ ខេត្តស្ទឹងត្រែង បានរៀបចំ និងសម្របសម្រួលដំណើរទស្សនកិច្ចសិក្សាប្រវត្តិសាស្ត្រនិងវប្បធម៌ដ៏មានតម្លៃ សម្រាប់ក្រុមប្រឹក្សាយុវជន…
ខេត្តស្ទឹងត្រែង ៖ នៅព្រឹកថ្ងៃទី២២ ខែតុលា ឆ្នាំ២០២៥ រដ្ឋបាលស្រុកបុរីអូរស្វាយសែនជ័យ ខេត្តស្ទឹងត្រែង បានរៀបចំ និងសម្របសម្រួលដំណើរទស្សនកិច្ចសិក្សាប្រវត្តិសាស្ត្រនិងវប្បធម៌ដ៏មានតម្លៃ សម្រាប់ក្រុមប្រឹក្សាយុវជន និងកុមារទូទាំងប្រទេស ចំនួន៣០០នាក់នៅតំបន់ព្រំដែនកម្ពុជា-ឡាវ ។
ដំណើរទស្សនកិច្ចនេះ មានគោលដៅពង្រឹងការយល់ដឹងពីប្រវត្តិសាស្ត្រជាតិ ដោយក្រុមប្រតិភូបានទៅទស្សនាផ្ទាល់នូវទីតាំងប្រវត្តិសាស្ត្រព្រំដែន បង្គោលឡាក់សម័យបារាំង និងបង្គោលព្រំដែនលេខ០៣៣ នៅច្រកទ្វាអន្តរជាតិត្រពាំងក្រៀល ដើម្បីសិក្សាពីបូរណភាពទឹកដី ។
ស្ទូបព្រះបរមឆាយាល័ក្ខណ៍ ព្រះបរមរតនកោដ្ឋ និងបណ្ណាល័យហ្លួងម៉ែ សាខាមជ្ឈមណ្ឌលឯកសារកម្ពុជា ទីរួមស្រុកបុរីអូរស្វាយសែនជ័យ ។ ក្នុងឱកាសនោះ សាខាមជ្ឈមណ្ឌលឯកសារកម្ពុជាបានចែកជូនសៀវភៅ សាក្សីប្រវត្តិសាស្ត្រចំនួន៣០០នាក់ ក្នុងមួយនាក់មួយក្បាល ដើម្បីជួយពង្រីកចំណេះដឹងប្រវត្តិសាស្ត្រជាតិឱ្យកាន់តែទូលំទូលាយ ។
សកម្មភាពនេះ មិនត្រឹមតែជាការរៀនសូត្រប៉ុណ្ណោះទេ ប៉ុន្តែក៏ជាការបណ្ដុះស្មារតីស្នេហាជាតិ ការចងចាំប្រវត្តិសាស្ត្រ និងវប្បធម៌ ដើម្បីត្រៀមខ្លួនជាធនធានដ៏សំខាន់ក្នុងការអភិវឌ្ឍសង្គមជាតិ និងលើកកម្ពស់កិច្ចសហប្រតិបត្តិការព្រំដែននាពេលអនាគតផងដែរ ៕
ចែករំលែកព័តមាននេះ