ខេត្តបន្ទាយមានជ័យ ៖ កម្លាំងចម្រុះបានបង្ក្រាបទំនិញចម្រុះ៧មុខ ដែលឈ្មួញលួចនាំចូលពីប្រទេសថៃ មានគ្រឿងបរិភោគ ថ្នាំសំលាប់សត្វល្អិត និងស្មៅ កាលពីយប់ថ្ងៃទី២១ តុលា ឆ្នាំ២០២៥…
ខេត្តបន្ទាយមានជ័យ ៖ កម្លាំងចម្រុះបានបង្ក្រាបទំនិញចម្រុះ៧មុខ ដែលឈ្មួញលួចនាំចូលពីប្រទេសថៃ មានគ្រឿងបរិភោគ ថ្នាំសំលាប់សត្វល្អិត និងស្មៅ កាលពីយប់ថ្ងៃទី២១ តុលា ឆ្នាំ២០២៥ ស្ថិតនៅភូមិក្បាលស្ពាន ឃុំម៉ាឡៃ ស្រុកម៉ាឡៃ ។
លោកស្វាយ ជា អភិបាលស្រុកម៉ាឡៃបានប្រាប់ថា កម្លាំងចម្រុះបានចុះប្រតិបត្តិការបង្ក្រាបទីតាំងស្តុកទំនិញដែលឈ្មួញលួចនាំចូលពីថៃ ដែលដកហូតបានចំនួន៧មុខ៖ មានថ្នាំបាត់ក្អក១២កេស, នំចាហួយចាប់ឆាយ៣កេស, ម្សៅដាក់ត្រង៉ែន៣កញ្ចប់ធំ, ឡេចំនួន៣កេស, ថ្នាំបាញ់ប៉ូវពោត៤កេស, ថ្នាំបាញ់សំលាប់ស្មៅ៣កេស, និងថ្នាំសំលាប់សត្វល្អិត១កេស ក្នុងឃ្លាំងមួយក្បែព្រំដែន ។
លោកបានបញ្ជាក់ទៀតថា នៅពេលកម្លាំងចម្រុះចុះបង្ក្រាបមានកម្លាំងយោធាតំបន់ប្រតិបត្តិការសឹករងស្រុកម៉ាឡៃ សហការជាមួយកម្លាំងអាជ្ញាធរ មានសមត្ថកិច្ចស្រុកម៉ាឡៃ បានចុះបង្ក្រាប ហើយត្រូវម្ចាស់ឃ្លាំងបានរត់គេចខ្លួនបាត់ បន្សល់ទុកទំនិញចម្រុះ៧មុខ ត្រូវបានដកហូតយកមកដុត និងកប់ចោល ហើយកំពុងស្រាវជ្រាវរកចាប់ម្ចាស់ ឬឈ្មួញដើម្បីអនុវត្តតាមច្បាប់អោយខាងតែបាន។
លោក ស្វាយ ជា បានបញ្ជាក់ទៀតថា ទំនិញដែលត្រូវបានកម្លាំងចម្រុះបង្ក្រាបដកហូតបានជាទំនិញដែលឈ្មួញលួចនាំចូលពីប្រទេសថៃ មកស្តុកទុកក្នុងឃ្លាំងក្បែរអូរព្រំដែនហើយបម្រុងនាំចេញលក់បន្ត ហើយកម្លាំងបង្ក្រាបបានយកកប់ចោល និងកំពុងស្រាវជ្រាវរកបន្តទៀត ។
ចែករំលែកព័តមាននេះ