រាជធានីភ្នំពេញ ៖ រថយន្តកាមរី ស្វិតមួយគ្រឿងដែលគេអៈអាងថា បើកបរដោយមន្ត្រីនគរបាលម្នាក់បានរេចង្កូតបុកចូលផ្ទះជាបន្តបន្ទាប់ចំនួន៣ល្វែង បណ្ដាឲ្យសំយ៉ាប ,ទ្វារផ្ទះ ,ស្លាកប៉ាណូ ,ផើងផ្ការ ព្រមទាំងម៉ូតូចំនួន…
រាជធានីភ្នំពេញ ៖ រថយន្តកាមរី ស្វិតមួយគ្រឿងដែលគេអៈអាងថា បើកបរដោយមន្ត្រីនគរបាលម្នាក់បានរេចង្កូតបុកចូលផ្ទះជាបន្តបន្ទាប់ចំនួន៣ល្វែង បណ្ដាឲ្យសំយ៉ាប ,ទ្វារផ្ទះ ,ស្លាកប៉ាណូ ,ផើងផ្ការ ព្រមទាំងម៉ូតូចំនួន ៤គ្រឿងបានរងការខូចខាត ។ ទោះបីជាយ៉ាងណា ករណីនេះពុំបណ្ដាឲ្យមនុស្សរងរបួសឡើយ។
ហេតុការណ៍ខាងលើនេះបង្កឲ្យមានការភ្ញាក់ផ្អើលកាលពីវេលាម៉ោង ១២ថ្ងៃត្រង់ទី២១ខែតុលាឆ្នាំ២០២៥ នៅតាមបណ្ដោយផ្លូវលេខ ៦៨Kភូមិចំការឥឡឹក១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
រថយន្តដែលបង្កគ្រោះថ្នាក់ម៉ាកតូយ៉ូតា កាមរី ស្វិត ពណ៌ទឹកប៊ិច ពាក់ស្លាកលេខភ្នំពេញ២A.២០៣២
ដែលគេអះអាងថាបើកបរដោយមន្ត្រីនគរបាលម្នាក់ពុំស្គាល់អត្តសញ្ញាណឡើយ។
តាមសាក្សីបានឲ្យដឹងថានៅមុនពេលកើតហេតុគេឃើញរថយន្តម៉ាកតូចតា camry ខាងលើបើកបរក្នុងល្បឿនលឿនធ្វើដំណើរក្នុងទិសដៅពិសកើតទៅលិច។នៅពេលមកដល់ចំណុចកើតហេតុក៏បានរេចង្កូតទៅស្ដាំដៃបុករៈចូលផ្ទះលក់អីវ៉ាន់ចាប់ហួយ,ផ្ទះលក់បាយនិងលក់ម៉ូតូ,ព្រមទាំងផ្ទះពេទ្យធ្មេញហើយជាប់និងបង្គោលស្លាកយីហោទៅមុខលែងរួច។
ក្នុងហេតុការណ៍នេះបណ្ដាឲ្យម៉ូតូដែលឈប់ចតនៅតាមចិញ្ចាំផ្លូវចំនួន ៤គ្រឿង សំយ៉ាបនិងទ្វារផ្ទះផើងផ្កា និងស្លាកប៉ាណូបានរងការខូចខាត។បន្ទាប់ពីកើតមានគ្រោះថ្នាក់អ្នកបើកបររថយន្តបង្កក៏បានសម្របសម្រួលសងការខូចខាម៉ូតូនិងផ្ទះជនរងគ្រោះ។ទោះបីជាយ៉ាងណាគេពុំទាន់ដឹងថា អស់ប៉ុន្មានឡើយកំពុងតែធ្វើការចរចារគ្នា៕
ចែករំលែកព័តមាននេះ