សង្គ្រាមអ៊ីស្រាអែលនិងហាម៉ាស់ ៖ អ៊ីស្រាអែល និងហាម៉ាស់ បានចោទប្រកាន់គ្នាទៅវិញទៅមកថា រំលោភបំពានបទឈប់បាញ់គ្នា តែប្រធានាធិបតីអាមេរិកលោកដូណាល់ត្រាំ បាននិយាយសម្រាលពីផលប៉ះពាល់នៃការរំលោភបំពាននោះ ដល់ការខិតខំប្រឹងប្រែងស្វែងរកសន្តិភាពដ៏ស្ថិតស្ថេរមួយនៅជ្រោយហ្គាហ្សា។ លោកត្រាំអះអាងនាថ្ងៃទី១៩…
សង្គ្រាមអ៊ីស្រាអែលនិងហាម៉ាស់ ៖ អ៊ីស្រាអែល និងហាម៉ាស់ បានចោទប្រកាន់គ្នាទៅវិញទៅមកថា រំលោភបំពានបទឈប់បាញ់គ្នា តែប្រធានាធិបតីអាមេរិកលោកដូណាល់ត្រាំ បាននិយាយសម្រាលពីផលប៉ះពាល់នៃការរំលោភបំពាននោះ ដល់ការខិតខំប្រឹងប្រែងស្វែងរកសន្តិភាពដ៏ស្ថិតស្ថេរមួយនៅជ្រោយហ្គាហ្សា។
លោកត្រាំអះអាងនាថ្ងៃទី១៩ តុលា ថា បទឈប់បាញ់គ្នា រវាងអ៊ីស្រាអែល និងហាម៉ាស់នៅតែមានជាធរមាន បន្ទាប់ពីកងទ័ពអ៊ីស្រាអែល វាយប្រហារច្រើនសិបលើកលើជ្រោយហ្គាហ្សាក្ដី។ នោះប្រហែលមកពីមានការរំលោភបំពានរបស់ក្រុមហាម៉ាស់។ លោកក៏លើកឡើងផងដែរថា មេដឹកនាំហាម៉ាស់មិនបានចូលរួមក្នុងការរំលោភបំពានបទឈប់បាញ់គ្នា តែប្រហែលជាអំពើរបស់ពួកឧទ្ទាមមួយចំនួនក្នុងផ្ទៃរបស់ហាម៉ាស់។ លោកបន្តថា ទោះបីយ៉ាណាសភាពការណ៍នឹងអាចគ្រប់គ្រងបានដោយម៉ឺងម៉ាត់បំផុត និងល្អប្រសើរ។
អ៊ីស្រាអែលប្រកាសបញ្ឈប់ការវាយប្រហាររបស់ខ្លួនកាលពីយប់ថ្ងៃទី១៩តុលា ដោយបន្តអនុវត្តបទឈប់បាញ់គ្នា បន្ទាប់ពីការវាយប្រហារដ៏បង្ហូរឈាមរបស់ខ្លួន លើពួកហាម៉ាស់ដែលអ៊ីស្រាអែលចោទថា វាយប្រហារកងទ័ពខ្លួន។
នេះជាការរំលោភបំពានធ្ងន់ធ្ងរបំផុត ចាប់តាំងពីបទឈប់បាញ់គ្នាដែលមានជាធរមានពីថ្ងៃទី១០តុលាមក។ ផ្នែកការពារស៊ីវិលរបស់ហាម៉ាស់លើកឡើងថា ការវាយប្រហារតាមអាកាសទាំងនេះ របស់អីុស្រាអែលលើដែនដីប៉ាឡេស្ទីន បណ្ដាលឲ្យមនុស្សយ៉ាងតិច៤៥នាក់ស្លាប់៕
ចែករំលែកព័តមាននេះ