កូរ៉េខាងត្បូង ៖ ស្ពានអាកាសសម្រាប់រថភ្លើងមួយបានបាក់ កាលពីថ្ងៃទី២៦ ឧសភា នៅក្រុងសេអ៊ូល បណ្ដាលឲ្យមនុស្សស្លាប់៣នាក់ និងនាំឲ្យមានការស្ទះចរាចរណ៍យ៉ាងខ្លាំងនៅជិតស្ថានីយរថភ្លើងកណ្ដាល។
គ្រោះថ្នាក់នោះ កើតមាននៅស្រុកSEODAEMUN ក្រុងសេអ៊ូល ពេលមានការត្រួតពិនិត្យសន្តិសុខ ក្រោយពីកម្មកររកឃើញស្នាមប្រេះគ្រឺះ ហើយផ្អាកការងារ។ ពួកអ្នកជួយសង្គ្រោះបញ្ជាក់ថា បណ្ដាបំណែក និងផ្ទាំងបេតុងបានបាក់ភ្លាមៗលើបណ្ដាកម្មករដែលកំពុងធ្វើការនៅខាងក្រោម។ បណ្ដារូបភាពផ្សាយតាមបណ្ដាញសង្គមគេឃើញដែកថែបធ្លាក់លើបណ្ដារថយន្តនាំឲ្យខូចខាត។ ចំណែកប៉ូលិសបានបិទបណ្ដាវិថីនៅជុំវិញកន្លែងកើតមានគ្រោះថ្នាក់នេះ ។
បណ្ដាអ្នកទទួលខុសត្រូវក្រុងសេអ៊ូលបញ្ជាក់ថា ការត្រួតពិនិត្យចាប់ផ្ដើមនាវេលាម៉ោង១៤ម៉ោងក្នុងស្រុកមុនមានការបាក់បន្តិច។ ស្ពានអាកាសនោះ កសាងតាំងពីឆ្នាំ១៩៦៦ មក កំពុងធ្វើការបំផ្លាញចោលចាប់ពីខែសីហា ឆ្នាំ២០២៥ មក ដោយសារការបារម្ភទាក់ទិននឹងសន្តិសុខ និងគ្រឹះរបស់វាដែលចាស់ខ្លាំងទៅហើយ និងក្នុងបំណងធ្វើទំនើបកម្មផ្លូវដែកក្នុងកណ្ដាលក្រុង ។
បំណែកបានខ្ទាតរហូតដល់ផ្លូវដែកមួយដែលនៅក្បែរនាំឲ្យមានការផ្អាកមួយផ្នែកនៃសេវាកម្មផ្លូវដែកមកកាន់ស្ថានីយរថភ្លើងកណ្ដាលក្រុងសេអ៊ូល។ អាជ្ញាធរបានបើកការស៊ើបអង្កេតមួយរកមូលហេតុនៃការបាក់នោះ ៕
ចែករំលែកព័តមាននេះ