ខេត្តរតនគិរី ៖ បុគ្គលិកឆ្មបមណ្ឌលសុខភាពភ្នំកុក ស្រុកវើនសៃបានជួយសង្គ្រោះស្ត្រីសម្រាលកូននៅលើរថយន្តប្រកបដោយជោគជ័យ ។ នេះបើយោងតាមហ្វេសប៊ុកផ្លូវការរបស់ការិយាល័យសុខាភិបាលប្រតិបត្តិកបានលុង ។ តាមប្រភពបានឱ្យដឹងថា នៅព្រឹកថ្ងៃទី២១ ខែតុលា…
ខេត្តរតនគិរី ៖ បុគ្គលិកឆ្មបមណ្ឌលសុខភាពភ្នំកុក ស្រុកវើនសៃបានជួយសង្គ្រោះស្ត្រីសម្រាលកូននៅលើរថយន្តប្រកបដោយជោគជ័យ ។ នេះបើយោងតាមហ្វេសប៊ុកផ្លូវការរបស់ការិយាល័យសុខាភិបាលប្រតិបត្តិកបានលុង ។
តាមប្រភពបានឱ្យដឹងថា នៅព្រឹកថ្ងៃទី២១ ខែតុលា ឆ្នាំ២០២៥ វេលាម៉ោង៧ និង៣៥នាទី មណ្ឌលសុខភាពក្នំកុក ឃុំភ្នំកុក ស្រុកវ៉ឺនសៃ ខេត្តរតនគិរី ដោយទទួលបានដំណឹងតាមរយៈប្រធានមណ្ឌលសុខភាព បុគ្គលិកឆ្មបមណ្ឌលសុខភាពភ្នំកុក បានចុះទៅជួយសង្គ្រោះស្ត្រីសម្រាលកូននៅលើរថយន្តប្រកបដោយជោគជ័យ និងស្របតាមវិជ្ជាជីវៈនៅទីតាំងក្រុមហ៊ុនម៉ាងយ៉ាង នៃស្រុកវ៉ឺនសៃ ។
ស្ត្រីខាងលើឈ្មោះ វើយ ហាន់ អាយុ២៧ឆ្នាំ រស់នៅភូមិហាត់ប៉ក់ ឃុំហាត់ប៉ក់ ស្រុកវ៉ឺនសៃ ខេត្តរតនគិរី សម្រាលកូនទី៣ ។ មុនពេលកើតហេតុហេតុ ស្ត្រីរូបនេះបានឈឺពោះរយ:ពេល១ម៉ោង ហើយប្ដីបាននាំមកសម្រាលនៅមណ្ឌលសុខភាពភ្នំកុក ក៏ប៉ុន្តែដោយសាររយៈចម្ងាយផ្លូវពីភូមិមកមណ្ឌលសុខភាពមានរយ:ចម្ងាយឆ្ងាយ និងស្ថានភាពផ្លូវលំបាកទើបធ្វើឲ្យស្ត្រីឈឺពោះសម្រាលកូននៅតាមផ្លូវតែម្ដង ។
បច្ចុប្បន្ន ស្ថានភាពម្ដាយនិងទារកមានសុវត្ថិភាព និងសុខភាពល្អ ដែលស្ថិតក្នុងការថែទាំរបស់គ្រូពេទ្យ ៕
ចែករំលែកព័តមាននេះ