ប្រទេសម៉ិចស៊ិក ៖ ប្រទេសម៉ិចស៊ិកជួបប្រទះនឹងគ្រោះធម្មជាតិដ៏អាក្រក់បំផុតមួយពុំធ្លាប់មានរយៈពេលប៉ុន្មានឆ្នាំចុងក្រោយនេះ។ ចាប់តាំងពី១សប្ដាហ៍មកហើយ ភ្លៀងបានធ្លាក់ខ្លាំងក្នុងរដ្ឋជាច្រើននាភាគកណ្ដាលនិងភាគខាងកើតប្រទេសបណ្ដាលឲ្យមានទឹកជំនន់ប្រកបដោយសោកនាដកម្ម។
តុល្យការចុងក្រោយមួយប្រកាសដោយរដ្ឋាភិបាល កាលពីថ្ងៃទី១៣តុលា រៀបរាប់ពីមនុស្សស្លាប់យ៉ាងតិច៦៤នាក់ និង៦៥នាក់បាត់ខ្លួន ពិសេសក្នុងរដ្ឋវេឡាគ្រូស រដ្ឋហ៊ីដាល់ហ្គោ និងរដ្ឋពូអុីប្លា។
ភ្លៀងធ្លាក់ខ្លាំងខុសពីធម្មតាបណ្ដាលឲ្យមានការបាក់ដី ទឹកជំនន់ខ្លាំងភ្លាមៗនិងការបាក់ផ្លូវថ្នល់។ គឺរដ្ឋហ៊ីដាល់ហ្គោភាគឦសានម៉ិចស៊ិក ដែលសភាពការនាំឲ្យមានការព្រួយបារម្ភខ្លាំងជាងគេ។ ក្នុងរដ្ឋនោះអាជ្ញាធរអះអាងពីមនុស្សដល់៤៣នាក់បាត់ខ្លួន ក្នុងតំបន់ភ្នំដែលភូមិជាច្រើនកំពុងស្ថិតនៅដាច់ពីគេ។
A man uses wheelbarrow to remove mud and debris from a home as torrential rains from tropical storm Raymond triggered landslides and flooding in Jalcocotan, Nayarit state, Mexico October 12, 2025. REUTERS/Christian Ruano បណ្ដាផ្លូវថ្នល់ត្រូវដាច់នាំឲ្យមានការលំបាកក្នុងបការចូលទៅជួយសង្គ្រោះ បង្ចំប្រើឧទ្ធម្ភាគចក្រយោធា ដើម្បីបញ្ជូនស្បៀងនិងថ្នាំពេទ្យទៅ។ ក្រៅពីមនុស្សស្លាប់និងបាត់ខ្លួនច្រើន ការខូចខាតបាត់បង់សម្ភារក៏ធំធេងដែរ ដោយផ្លូវថ្នល់នានាត្រូវទឹកហូរបុកដាច់ ស្ពានទាំងឡាយបាក់ តំបន់កសិកម្មនិងតំបន់មនុស្សរស់នៅត្រូវទឹកជន់លិច។ អាជ្ញាធរសង្ស័យថាចំនួនជនរងគ្រោះអាចកើនឡើងថែមទៀត ៕
ចែករំលែកព័តមាននេះ