បន្ទាយមានជ័យ ៖ យោងតាមការបញ្ជាក់របស់លោក លី សុវណ្ណារិទ្ធ អភិបាលរង និងជាអ្នកនាំពាក្យខេត្តបន្ទាយមានជ័យ បានឲ្យដឹងថា នៅយប់ថ្ងៃទី១២ ខែតុលា…
បន្ទាយមានជ័យ ៖ យោងតាមការបញ្ជាក់របស់លោក លី សុវណ្ណារិទ្ធ អភិបាលរង និងជាអ្នកនាំពាក្យខេត្តបន្ទាយមានជ័យ បានឲ្យដឹងថា នៅយប់ថ្ងៃទី១២ ខែតុលា ឆ្នាំ២០២៥ ភាគីថៃនៅតាមបណ្តោយព្រំដែន ស្ថិតក្នុងឃុំអូរបីជាន់ ស្រុកអូរជ្រៅ បានបន្តសកម្មភាពដែលបង្កការរំខានដល់អារម្មណ៍ប្រជាពលរដ្ឋកម្ពុជា ។
លោក លី សុវណ្ណារិទ្ធ អភិបាលរងខេត្តបន្ទាយមានជ័យ និងជាអ្នកនាំពាក្យបានប្រាប់ថា ៖យប់នេះ ភាគីថៃភូមិព្រៃចាន់ បានយកកុនមកបញ្ចាំងនៅមុខផ្ទះប្រជាពលរដ្ឋ ដែលទាហានហ៊ុមព័ទ្ធ នៅក្បែស្បៃខ្មៅទី២ ចាប់ពីម៉ោង៧.៣០នាទីយប់ ដែលបញ្ចាំងពីប្រវត្តិជំរុំថ្មីដែលឃើញអ្នកសារព័ត៌មានថៃ១០ទៅ២០នាក់ថត និងអង្គុយមើល ។
លោកបានបញ្ជាក់ថា ៖ ដោយឡែកនេះ ភូមិជោគជ័យយប់នេះដែរ ភាគីថៃបានចាក់គ្រឿងបំពងសំឡេងនិយាយពីប្រវត្តិជំរុំណង់ចាន់ ចាប់ម៉ោង៧យប់ ដែលបង្កឱ្យប្រជាពលរដ្ឋប៉ះពាល់អារម្មណ៍នៅពេលរាត្រី ។
លោក លី សុវណ្ណារិទ្ធ បានបញ្ជាក់ថា ៖ ភាគីថៃ បានយកគ្រឿងបំពងសំឡេងរយៈពេល៣យប់មកហើយ កាលពីយប់ថ្ងៃទី១០ ដល់១១ ខែតុលា ឆ្នាំ២០២៥ ដែលថៃបានយកគ្រឿងបំពងសំឡេងចាក់មានសំឡេងធ្ងរ និងឆ្កែលូ ដោយនៅយប់ថ្ងៃទី១២ ខែតុលា ឆ្នាំ២០២៥នេះ នៅភូមិព្រៃចាន់ ថៃយកកុនមកបញ្ចាំង នៅភូមិជោគជ័យ និងចាក់គ្រឿងបំពងសំឡេង ៕
ចែករំលែកព័តមាននេះ