រាជធានីភ្នំពេញ ៖ អំណោយសប្បុរសជនតាមរយៈកោះសន្តិភាពជាទឹកប្រាក់ចំនួន១០ដុល្លារ សហរដ្ឋអាមេរិក នៅព្រឹកថ្ងៃទី១៦ កក្កដា ឆ្នាំ២០១១ ត្រូវបានយកទៅប្រគល់ជូនលោកយាយញឹម ហេង អាយុ៨៥ឆ្នាំ សព្វថ្ងៃរស់នៅក្នុងខ្ទមកំសត់ម្នាក់ឯងដោយគ្មានកូនចៅនៅ ក្បែរ ស្ថិតនៅភូមិបុរី១០០ខ្នង សង្កាត់ទឹកថ្លា ខណ្ឌសែនសុខ ។
រាជធានីភ្នំពេញ ៖ អំណោយសប្បុរសជនតាមរយៈកោះសន្តិភាពជាទឹកប្រាក់ចំនួន១០ដុល្លារសហរដ្ឋអាមេរិក នៅព្រឹកថ្ងៃទី១៦ កក្កដា ឆ្នាំ២០១១ ត្រូវបានយកទៅប្រគល់ជូនលោកយាយញឹម ហេង អាយុ៨៥ឆ្នាំ សព្វថ្ងៃរស់នៅក្នុងខ្ទមកំសត់ម្នាក់ឯងដោយគ្មានកូនចៅនៅក្បែរ ស្ថិតនៅភូមិបុរី១០០ខ្នង សង្កាត់ទឹកថ្លា ខណ្ឌសែនសុខ ។
អំណោយខាងលើនេះ គឺតាមរយៈការចុះផ្សាយរបស់កោះសន្តិភាពស្តីអំពីការរងទុក្ខសោករបស់លោកយាយក្នុងវ័យចាស់ជរា រស់នៅម្នាក់ឯង ដោយគ្មានកូនចៅនៅជាមួយ នៅឯខ្ទមមួយដែលមានជញ្ជាំងធ្លុះធ្លាយហ៊ុមព័ទ្ធទៅដោយព្រៃស្មៅដុះជុំជិតដែលពិតជាគួរឱ្យខ្លោចចិត្តណាស់ ។ មិនតែប៉ុណ្ណោះ ខ្ទមកំសត់របស់លោកយាយដែលកំពុងរស់នៅនេះ ក៏ប្រឈមនឹងអាជ្ញាធរបណ្តេញចេញថែមទៀតដោយអះអាងថា ជាដីរបស់រដ្ឋ តែតាមពិតជាដីដែលគាត់បានទទួលពីមេភូមិ ក្រោយពីគេបណ្តេញគាត់ចេញពីដីក្បែរផ្លូវរថភ្លើង ហើយយកដីនោះលក់ ។
ជាថ្មីម្តងទៀត លោកយាយញឹម ហេង បញ្ជាក់ថា គាត់បានមករស់នៅក្នុងភូមិបុរី១០០ខ្នង តាំងពីឆ្នាំ១៩៨០ ហើយសាលាឃុំទឹកថ្លា បានសុំយកផ្ទះរបស់គាត់មួយចំហៀងសម្រាប់ធ្វើសាលាឃុំ រីឯម្ខាងទៀតនៅជាផ្ទះរបស់គាត់ដដែល ។ ក្រោយមក មេភូមិទឹកថ្លានិងមេឃុំទឹកថ្លាបានផ្លាស់ប្តូរឱ្យគាត់ទៅរស់នៅលើដីមួយកន្លែងដែលជាដីទីស្នាក់ការភូមិវិញ គឺនៅម្តុំសាលាឃុំទឹកថ្លាចាប់តាំងពីឆ្នាំ១៩៩០ មក (ដីខ្ទមគាត់រស់នៅសព្វថ្ងៃ) ប៉ុន្តែមេភូមិ និងមេឃុំកាលនោះមិនព្រមបញ្ជាក់ថា ដីទីស្នាក់ការភូមិដែលពួកគាត់បានឱ្យលោកយាយរស់នៅដោយការដោះដូរគ្នានេះ គឺជាដីរបស់លោកយាយទេ ។
លោកយាយរៀបរាប់ទៀតថា ហេតុនេះហើយទើបលោកយាយកើតទុក្ខមិនសុខចិត្តចំពោះការផ្លាស់ប្តូរលំនៅឋានដោយមេភូមិទឹកថ្លា និងមេឃុំទឹកថ្លាកាលនោះ ហើយកន្លងមកអាជ្ញាធរបានជំទាស់ក្នុងការផ្តល់ប័ណ្ណកម្មសិទ្ធិដោយសំអាងថា ដីនេះជាដីរបស់មេភូមិទឹកថ្លា និងសាលាសង្កាត់ទឹកថ្លាទៅវិញ ធ្វើឱ្យគាត់ស្លុតចិត្តយ៉ាងខ្លាំងខ្លាំង ។ បច្ចុប្បន្នគាត់រស់នៅឯកោ និងពុំដែលឃើញអាជ្ញាធរនៅទីនោះ យកចិត្តទុកដាក់ដល់គាត់ជាចាស់ជរានោះទេ ហើយកំពុងរស់នៅក្នុងភាពគំរាមកំហែងថែមទៀតផង ។ ចំពោះករណីខាងលើនេះ លោកយាយក៏បានសុំក្តីមេត្តាពីសម្តេច ហ៊ុន សែន ផងដែរ តាមរយៈសប្បុរសជនដែលធ្លាប់ជួយលោកយាយនោះ ។
ជាមួយនឹងការទទួលបានអំណោយសប្បុរសជននេះ លោកយាយបានលើកដៃសំពះជូនពរដល់ម្ចាស់អំណោយ និងក្រុមគ្រួសារសូមទទួលបានសេចក្តីគ្រប់ពេលវេលា និងសូមទេវតាជួយតាមថែរក្សាផងដែរ ។ ទឹកប្រាក់អំណោយនេះកោះសន្តិភាពបានទទួលពីលោកវរសេនីយ៍ត្រីឃុត សារឿម នាយរងការិយាល័យបណ្តុះបណ្តាលនិងវិក្រឹតការនៃនាយកដ្ឋានបណ្តុះបណ្តាលបណ្ឌិត្យសភានគរបាលកម្ពុជាក្រសួងមហាផ្ទៃ ៕
ចែករំលែកព័តមាននេះ