ចិន-កូរ៉េខាងជើង ៖ នាយករដ្ឋមន្ត្រីចិនលោកLI QIANG ថ្លែងកាលពីថ្ងៃទី៩ តុលា ថា ចិនត្រៀមពង្រឹងការផ្លាស់ប្ដូរគ្នាកម្រិតខ្ពស់ និងការទាក់ទងគ្នាជាយុទ្ធសាស្ត្រជាមួយកូរ៉េខាងជើង។ លោកLI…
ចិន-កូរ៉េខាងជើង ៖ នាយករដ្ឋមន្ត្រីចិនលោកLI QIANG ថ្លែងកាលពីថ្ងៃទី៩ តុលា ថា ចិនត្រៀមពង្រឹងការផ្លាស់ប្ដូរគ្នាកម្រិតខ្ពស់ និងការទាក់ទងគ្នាជាយុទ្ធសាស្ត្រជាមួយកូរ៉េខាងជើង។
លោកLI QIANG ថ្លែងបែបនេះ ក្នុងពេលជួបជាមួយមេដឹកនាំកូរ៉េខាងជើង លោកគីម ជុងអ៊ុន អំឡុងទស្សនកិច្ចរបស់លោកនៅក្រុងព្យុងយ៉ាងចូលរួមក្នុងខួបលើកទី៨០នៃការបង្កើតបក្សពលករកូរ៉េ ។ លោកជាអ្នកទទួលខុសត្រូវជាន់ខ្ពស់ចិនមួយរូប ដែលមកកាន់កូរ៉េខាងជើងចាប់តាំងពីឆ្នាំ២០១៩មក។
នេះជាសញ្ញាមួយបង្ហាញពីការបង្កើនឡើងវិញ ទំនាក់ទំនងរវាងប្រទេសទាំង២។ នេះជាការបង្កើនទំនាក់ទំនងការទូតឡើងវិញមួយ បើគេប្រៀបធៀបទៅនឹងទំនាក់ទំនងនយោបាយចិន-កូរ៉េខាងជើងដែលតានតឹងក្នុងដំណាក់កាលមុនកូវីដ-១៩។ មេដឹកនាំកូរ៉េខាងជើងលោកគីមជុងអ៊ុន នាពេលថ្មីៗនេះ បានមកកាន់ក្រុងប៉េកាំងចូលរួមក្នុងព្យុហយាត្រាយោធាដ៏ធំនៅក្រុងប៉េកាំង នាខួបជ័យជម្នះក្នុងសង្គ្រាមលោកលើកទី២។
ទស្សនកិច្ចនេះ របស់នាយករដ្ឋមន្ត្រីចិននៅក្រុងព្យុងយ៉ាង ជាការជម្រុញឡើងវិញទំនាក់ទំនងរវាងចិននិងកូរ៉េខាងជើង ខណៈព្រំដែនរវាងប្រទេសទាំង២នៅតែបើកចំហតូចនៅឡើយ។ ទស្សនកិច្ចនោះរបស់នាយករដ្ឋមន្ត្រីចិន អាចជម្រុញទំនាក់ទំនងរវាងប្រទេសទាំង២ ឲ្យដល់កម្រិតដូចគ្នាជាមួយរុស្ស៊ី ។ អ្វីដែលកូរ៉េខាងជើងចង់បានបំផុតនោះ គឹការផ្ទេរបច្ចេកវិទ្យាចិនកាន់តែច្រើន ព្រមទាំងការគោរពអធិបតេយ្យភាពសេដ្ឋកិច្ចរបស់កូរ៉េខាងជើង៕
ចែករំលែកព័តមាននេះ