ខេត្តបន្ទាយមានជ័យ ៖ អភិបាលខេត្តបន្ទាយមានជ័យ ណែនាំកងកម្លាំងពាក់ព័ន្ធទាំងអស់ បន្តយកចិត្តទុកដាក់ក្នុងការអនុវត្តនូវគោលនយោបាយភូមិ ឃុំ-សង្កាត់ មានសុវត្ថិភាពនៅមូលដ្ឋាន ។ ជាក់ស្តែងនៅថ្ងៃទី០៦ ខែតុលា…
ខេត្តបន្ទាយមានជ័យ ៖ អភិបាលខេត្តបន្ទាយមានជ័យ ណែនាំកងកម្លាំងពាក់ព័ន្ធទាំងអស់ បន្តយកចិត្តទុកដាក់ក្នុងការអនុវត្តនូវគោលនយោបាយភូមិ ឃុំ-សង្កាត់ មានសុវត្ថិភាពនៅមូលដ្ឋាន ។
ជាក់ស្តែងនៅថ្ងៃទី០៦ ខែតុលា ឆ្នាំ២០២៥ ឯកឧត្ដម ប្លែក វ៉ារី ប្រធានក្រុមប្រឹក្សាខេត្ត ឯកឧត្ដម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានអញ្ជើញដឹកនាំកិច្ចប្រជុំសាមញ្ញ លើកទី១៧ អាណត្តិទី៤ របស់ក្រុមប្រឹក្សាខេត្ត ដោយមានការអញ្ជើញចូលរួមឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលក្រុង-ស្រុក ប្រធានក្រុមប្រឹក្សាក្រុង-ស្រុក មន្ទីរ អង្គភាព ស្ថាប័នពាក់ព័ន្ធប្រារព្ធធ្វើឡើងនៅសាលប្រជុំ ក្រុមប្រឹក្សាខេត្ត ។
នាឱកាសនោះ ឯកឧត្តមប្រធានក្រុមប្រឹក្សា និងឯកឧត្តមអភិបាលខេត្ត ថ្លែងនូវការកោតសរសើរទៅដល់មន្ត្រី រដ្ឋបាលខេត្ត ក្រុង-ស្រុក ដែលបានខិតខំបំពេញតួនាទី ភារកិច្ចបានយ៉ាងល្អប្រសើរ ។ និងបានធ្វើការជំរុញណែនាំទៅដល់មន្ត្រីរដ្ឋបាលខេត្ត ក្រុង-ស្រុក សំដៅធ្វើយ៉ាងណាបម្រើសេវាសាធារណៈជូនដល់បងប្អូនប្រជាពលរដ្ឋឱ្យបានរហ័សលឿន និងទាន់ពេលវេលាជូនពលរដ្ឋ ។
មួយវិញទៀត ឯកឧត្តម អ៊ុំ រាត្រី អភិបាលខេត្តក៏បានជំរុញដល់កងកម្លាំងពាក់ព័ន្ធ បន្តយកចិត្តទុកដាក់ក្នុងការអនុវត្តនូវគោលនយោបាយភូមិ ឃុំ-សង្កាត់ មានសុវត្ថិភាពឱ្យបានខ្ជាប់ខ្ជួន បង្ក្រាបរាល់បទល្មើសនៅក្នុងមូលដ្ឋានដូចជា ករណីក្មេងទំនើ.ង ល្បែងស៊ីសង ជាពិសេសករណីគ្រឿងញៀ.ន ៕
ចែករំលែកព័តមាននេះ