សាច់បង្កកជាច្រើនប្រភេទដែលមានបញ្ហាអនាម័យ និងសំបកវេចខ្ចប់ ត្រូវបានអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំផ្អាកចរាចរ ក្រោយពេលចុះត្រួតពិនិត្យនៅទីតាំងចំនួន៣ នៅខណ្ឌមានជ័យ ឫស្សីកែវ និងព្រែកព្នៅ កាលពីថ្ងៃទី០៥…
សាច់បង្កកជាច្រើនប្រភេទដែលមានបញ្ហាអនាម័យ និងសំបកវេចខ្ចប់ ត្រូវបានអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំផ្អាកចរាចរ ក្រោយពេលចុះត្រួតពិនិត្យនៅទីតាំងចំនួន៣ នៅខណ្ឌមានជ័យ ឫស្សីកែវ និងព្រែកព្នៅ កាលពីថ្ងៃទី០៥ ខែតុលា ឆ្នាំ២០២៥ ។
អគ្គនាយកដ្ឋានជំនាញនេះ បានអះអងថា ក្រោមកិច្ចសហការជាមួយសមត្ថកិច្ចពាក់ព័ន្ធ មន្ត្រីជំនាញ បានធ្វើការដកយកសំណាកគំរូមកវិភាគនៅនឹងកន្លែងជាមួយមន្ទីរពិសោធន៍ចល័តមិនបានរកឃើញសញ្ញាណសារធាតុគីមីហាមឃាត់ឡើយ ប៉ុន្តែរកឃើញបញ្ហាអនាម័យ ។
បញ្ហាដែលមន្ត្រីជំនាញ បានរកឃើញនោះ គឺនៅលើសំបកវេចខ្ចប់ពាក់ព័ន្ធនឹងបទដ្ឋានព័ត៌មាន កង្វះអនាម័យផ្នែកមួយចំនួន ក្នុងទីតាំងទូរបង្កក ក្លាសេ សីតុណ្ហភាពមិនសមស្រប និងលក្ខខណ្ឌតម្រូវផ្នែកសុវត្ថិភាពផលិតផល ដែលតម្រូវឱ្យមានការកែលម្អ និងកែតម្រូវឡើងវិញ ។
នៅក្នុងស្ថានភាពនេះ ជំនាញក៏បានយកសំណាកមួយចំនួនបញ្ជូនទៅមន្ទីរពិសោធន៍កណ្តាល ដើម្បីស្វែងរកសំណល់ថ្នាំកសិកម្ម មេរោគ និងសារធាតុហាមឃាត់ផ្សេងទៀតនៅលើផលិតផល ។
នៅក្នុងប្រតិបត្តិការនោះ ដោយរង់ចាំលទ្ធផលវិភាគរបស់មន្ទីរពិសោធន៍ ជំនាញបានធ្វើការសៀលឃ្លុំបេផលិតផលផ្អាកចរាចរជាបណ្តោះអាសន្ននៅក្នុងទីតាំងទាំង៣ សរុបចំនួន ០៧ទូ តែម្តង៕
ចែករំលែកព័តមាននេះ