ខេត្តស្វាយរៀង៖ ជនសង្ស័យ០៦នាក់ ត្រូវបានសមត្ថកិច្ចស្រុកស្វាយទាប សហការជាមួយសមត្ថកិច្ចក្រុងបាវិតឃាត់ខ្លួនជនពាក់ព័ន្ធទទួលផលចោរកម្ម, គ្រឿងញៀន និងមុខសញ្ញាចោរប្លន់យ៉ាងសកម្មក្នុងទឹកដីស្រុកស្វាយទាប ត្រូវកសាងបញ្ជូនទៅសាលាបូងខេត្តចាត់ការតាមនីតិវិធី ។ បើតាមសមត្ថកិច្ចបានឲ្យដឹងថា ប្រតិបត្តិការបង្ក្រាបនេះ…
ខេត្តស្វាយរៀង៖ ជនសង្ស័យ០៦នាក់ ត្រូវបានសមត្ថកិច្ចស្រុកស្វាយទាប សហការជាមួយសមត្ថកិច្ចក្រុងបាវិតឃាត់ខ្លួនជនពាក់ព័ន្ធទទួលផលចោរកម្ម, គ្រឿងញៀន និងមុខសញ្ញាចោរប្លន់យ៉ាងសកម្មក្នុងទឹកដីស្រុកស្វាយទាប ត្រូវកសាងបញ្ជូនទៅសាលាបូងខេត្តចាត់ការតាមនីតិវិធី ។
បើតាមសមត្ថកិច្ចបានឲ្យដឹងថា ប្រតិបត្តិការបង្ក្រាបនេះ ដឹកនាំរដោយលោកវរសេនីយ៍ទោ វ៉ា សំណាង អធិការរងទទួលការងារព្រហ្មទណ្ឌស្រុកស្វាយទាប សហការជាមួយសមត្ថកិច្ចជំនាញក្រុងបាវិត នៅថ្ងៃទី៣ តុលា ឆ្នាំ២០២៥ ចុះស្រាវជ្រាវបង្ក្រាបមុខសញ្ញាទទួលផលចោរកម្មកាន់កាប់អាវុធដោយគ្មានការអនុញ្ញាត និងរក្សាទុកប្រើប្រាស់សារធាតុញៀន ។ ក្នុងនោះ សមត្ថកិច្ចបានឃាត់ខ្លួនជនសង្ស័យចំនួន០៦នាក់ នៅចំណុចចផ្ទះជួល ក្នុងភូមិបាវិតលើ សង្កាត់បាវិត ក្រុងបា
វិត ។
ប្រភពបន្តថា ជនសង្ស័យទាំង០៦នាក់ទី ១-ឈ្មោះ យ៉ុង ឌីណា(ម្ចាស់ផ្ទះ), ២-ឈ្មោះ វង់ សាវិន៣, ឈ្មោះហៀង ឆ្នៃ មានទីលំនៅភូមិបាវិតលើ សង្កាត់បាវិត ក្រុងបាវិត ។៤- ឈ្មោះញឹម ចន្ថន រស់នៅភូមិម៉ែក្រអៀក ឃុំកណ្ដោលដុំ ស្រុកសំរោងទង ខេត្តកំពង់ស្ពឺ, ៥-ឈ្មោះម៉ៅ ធារ៉ា រស់នៅស្រុកកំពង់សៀម ខេត្តកំពង់ចាម និង៦-ឈ្មោះ ចាន់ ពៅ រស់នៅភូមិតាពៅ សង្កាត់បាវិត ក្រុងបាវិត ។
ក្រោយពីធ្វើការឃាត់ខ្លួនជនសង្ស័យរួច ហើយបានឆែកឆេររកឃើញមានក្រាមព៌ណ.សថ្លា និងម្សៅព៌ណ.ស សង្ស័័យថ្នាំញៀនចំនួន០៨កញ្ចប់ ថ្នាំគ្រាប់ព៌ណលឿង សង្ស័យថ្នាំញៀនចំនួន៤២គ្រាប់, ដាវច្នៃចំនួន៤ដើម, កាំបិតផ្គាក់១ដើម, កណ្ដៀវ១ដើម, កាំភ្លើងស្នប់បាញ់ខនយល់១ដើម, ដែកថែប២ដើម(ត្រៀមកែច្នៃធ្វើដាវ) ជំពាមកៅស៊ូ១ និងគ្រាប់ឃ្លីដែក មួយចំនួនដែកឆាប១ដើម, កាំបិតចិតបន្លែ២ដើម, ពូថៅ១ និងញញួរ១, ម៉ូតូចំនួន៦គ្រឿង និងសម្ភារដែលពាក់ព័ន្ធមួយចំនួនទៀត។
បច្ចុប្បន្ន សមត្ថកិច្ចជំនាញស្រុកស្វាយទាប បានបញ្ចូនជនសង្ស័យរួមទាំង០៦នាក់ និងវត្ថុតាងប្រគល់ឲ្យទៅកម្លាំងជំនាញការិយាល័យព្រហ្មទណ្ឌខេត្ត ដើម្បីអនុវត្តបន្តទៅសាលាដំបូងខេត្តស្វាយរៀង ដើម្បីចាត់ការតាមនីតិវិធីច្បាប់៕
ចែករំលែកព័តមាននេះ