មូយថ្ងៃ ប្រសិនបើមនុស្សម្នាក់ៗអាចរករឿងដែលសប្បាយចិត្តហើយសើចអោយអស់ត្រឹមតែពី១ទៅ២នាទី សុខភាពរបស់អ្នកនោះ ដឹងតែមានស្ថានភាពប្រសើរខុសពីអ្នកដែលអង្គុយតែទូលទុក្ខ ។ នេះបើតាមការបញ្ជាក់របស់គេហទំព័រ ABC Home Health Care…
មូយថ្ងៃ ប្រសិនបើមនុស្សម្នាក់ៗអាចរករឿងដែលសប្បាយចិត្តហើយសើចអោយអស់ត្រឹមតែពី១ទៅ២នាទី សុខភាពរបស់អ្នកនោះ ដឹងតែមានស្ថានភាពប្រសើរខុសពីអ្នកដែលអង្គុយតែទូលទុក្ខ ។ នេះបើតាមការបញ្ជាក់របស់គេហទំព័រ ABC Home Health Care ។
ប្រភពដដែលនេះបានលើកឡើងថា សំណើចប្រចាំថ្ងៃ បៀបដូចជាឱសថទិព្វដែលមនុស្សទទួលទានជាប្រចាំផងដែរ ពីព្រោះសំណើចជាមធ្យោបាយដ៏មានប្រសិទ្ធភាពនៅក្នុងការពង្រីកថាមពលនិងកែលម្អសុខភាពជារួមរបស់មនុស្សម្នាក់ៗ។
ការសិក្សាបង្ហាញថា សំណើចជួយបញ្ចុះសម្ពាធឈាម បញ្ចេញសារធាតុ Endorphins និងជាថ្នាំបំបាត់ការឈឺចាប់តាមធម្មជាតិ ។ វាក៏ជាវិធីសាស្ត្របង្កើនកម្រិតអុកស៊ីហ្សែនក្នុងចរន្តឈាម ជួយឱ្យយើងដកដង្ហើមបានស្រួល។
វាក៏ជួយសម្រាលភាពតានតឹង និងការថប់បារម្ភ ដែលជាលទ្ធផលគឺផ្តល់ឲ្យរាងកាយមនុស្សម្នាក់ៗអាចពង្រឹងប្រព័ន្ធការពាររបស់ខ្លួនបាន។ សំណើចក៏ត្រូវបានគេនិយាយថា វាជួយប្រឆាំងនឹងភាពចាស់ ដុតបំផ្លាញកាឡូរីបានច្រើនប្រហាក់ប្រហែលទៅនឹងការធ្វើលំហាត់ប្រាណស្រាលៗជាច្រើននាទី។
នៅវ័យកុមារ សំណើចគឺមានពី៣០០ ទៅ៤០០ដងក្នុងមួយថ្ងៃ ខណៈពេលដែលមនុស្សពេញវ័យសំណើចមានច្រើនបំផុត១៧ដងក្នុងមួយថ្ងៃជាមធ្យម ហើយអ្នកខ្លះសឹងតែមិនបាន៥ដងផង។
ចែករំលែកព័តមាននេះ