ខេត្តកណ្តាល ៖ ជាសារមួយជូនទៅកាន់បងប្អូនប្រជាពលរដ្ឋ ពិសេសអ្នកប្រកបរបរធ្វើស្រែចម្ការទាំងអស់សូមប្រយ័ត្នដូចករណីនេះ ឪពុករាយខ្សែភ្លើងតដើម្បីឆក់សត្វកណ្តុរកុំឲ្យស៊ីស្រូវរបស់គាត់ អកុសល្យបែរជាឆក់កូនខ្លួនឯងអាយុទើបតែ១០ឆ្នាំស្លាប់ទៅវិញ ។ ហេតុការណ៍ដ៏គួរអោយរន្ធត់នេះបានកើតឡើងកាលពីវេលាម៉ោង ១៨ និង…
ខេត្តកណ្តាល ៖ ជាសារមួយជូនទៅកាន់បងប្អូនប្រជាពលរដ្ឋ ពិសេសអ្នកប្រកបរបរធ្វើស្រែចម្ការទាំងអស់សូមប្រយ័ត្នដូចករណីនេះ ឪពុករាយខ្សែភ្លើងតដើម្បីឆក់សត្វកណ្តុរកុំឲ្យស៊ីស្រូវរបស់គាត់ អកុសល្យបែរជាឆក់កូនខ្លួនឯងអាយុទើបតែ១០ឆ្នាំស្លាប់ទៅវិញ ។
ហេតុការណ៍ដ៏គួរអោយរន្ធត់នេះបានកើតឡើងកាលពីវេលាម៉ោង ១៨ និង ៣០នាទីយប់ថ្ងៃទី៣០ ខែកញ្ញា ឆ្នាំ២០២៥ ស្ថិតនៅចំណុចស្រះឬស្សី ភូមិឃ្លាំងមឿងត្បូង សង្កាត់ព្រែកអំពិល ក្រុងអរិយក្សត្រ ខេត្តកណ្តាល ។
សមត្ថកិច្ចជំនាញបានឲ្យដឹងថា សពក្មេងរងគ្រោះមានឈ្មោះ ជា សុខហេង ភេទប្រុស អាយុ១០ឆ្នាំ មុខរបរ សិស្ស រស់នៅភូមិឃ្លាំងមឿងត្បូង សង្កាត់ព្រែកអំពិល ក្រុងអរិយក្សត្រ ខេត្តកណ្តាល។ ក្នុងនោះសមត្ថកិច្ចបានរកឃើញ អាគុយ៥០អំពែចំនួនមួយ ,ដុំឆក់ចំនួនមួយ ,ខ្សែលួសចំនួនមួយដុំ ។
មើលយោងតាមការបំភ្លើរបស់ឈ្មោះរឿង លាង ភេទស្រី អាយុ៤៨ឆ្នាំ មុខរបរ កសិករ រស់នៅក្នុងភូមិកើតហេតុ ដែលត្រូវជាម្តាយបង្កើតជនរងគ្រោះ បានរៀបរាប់ប្រាប់សមត្ថកិច្ចថា ជនរងគ្រោះ តែងតែទៅស្រែជាមួយឪពុកជាប្រចាំលុះដល់ថ្ងៃទី៣០ ខែកញ្ញា ឆ្នាំ២០២៥ ឪពុកបានទៅស្រែមុនដោយមិនបានទៅជាមួយជនរងគ្រោះទេ ឪពុកបានរៀបចំចាប់អាគុយឆក់កណ្ដុររួចរាល់ ក៏បានដើរទៅមើលស្រែក្រោម ដោយមិនបានដឹងថាជនរងគ្រោះជាកូនចុះទៅតាមក្រោយទេ ពេលឪពុកត្រឡប់មកពីមើលស្រែក្រោមវិញនៅវេលាម៉ោង ១៨ និង៣០នាទីយប់ក៏ប្រទះឃើញជនរងគ្រោះដួលផ្កាប់មុខដៃខាងឆ្វេងជាប់ខ្សែលួស ស្លាប់យ៉ាងអាណោចអាធ័មនៅកណ្តាលវាលស្រែ ឪពុកក៏បានលើកជនរងគ្រោះត្រឡប់មកផ្ទះវិញតែម្តង ។ ទើបប្រញាប់ប្រញាល់រាយការណ៍ជូនសមត្ថកិច្ចជំនាញចុះធ្វើការការត្រួតពិនិត្យ ។
បើយោងតាមការត្រួតពិនិត្យពីលោកគ្រូពេទ្យ និង សមត្ថកិច្ចជំនាញ បានបញ្ជាក់ប្រាប់ថាជនរងគ្រោះស្លាប់ដោយសារឆក់ឧបករណ៍បំលែងអគ្គិសនីដុំឆក់(ឆក់កណ្ដុរបណ្ដាលឱ្យស្លាប់កូនខ្លួនឯង ក្រោយពីធ្វើការពិនិត្យសាកសពរួចសមត្ថកិច្ចបានប្រគល់សពជូនក្រុមគ្រួសារយកធ្វើបុណ្យតាមប្រពៃណី ៕
ចែករំលែកព័តមាននេះ