ខេត្តសៀមរាប ៖ មន្ទីរសាធារណការ និងដឹកជញ្ជូនខេត្តសៀមរាប ប្រកាសផ្អាកការធ្វើចរាចរណ៍ចំពោះរថយន្តធុនធំគ្រប់ប្រភេទលើកំណាត់ផ្លូវជាតិលេខ៦៤ ចន្លោះគ.ម៣០ ដល់គ.ម៣១ ក្នុងភូមិសាស្ត្រស្រុកស្វាយលើ ខេត្តសៀមរាប ជាបណ្តោះអាសន្ន…
ខេត្តសៀមរាប ៖ មន្ទីរសាធារណការ និងដឹកជញ្ជូនខេត្តសៀមរាប ប្រកាសផ្អាកការធ្វើចរាចរណ៍ចំពោះរថយន្តធុនធំគ្រប់ប្រភេទលើកំណាត់ផ្លូវជាតិលេខ៦៤ ចន្លោះគ.ម៣០ ដល់គ.ម៣១ ក្នុងភូមិសាស្ត្រស្រុកស្វាយលើ ខេត្តសៀមរាប ជាបណ្តោះអាសន្ន ។
បើតាមសេចក្តីជូនដំណឹងរបស់មន្ទីរសាធារណការ និងដឹកជញ្ជូនខេត្តសៀមរាប បានឲ្យដឹងថា៖ បន្ទាប់ពីរងគ្រោះដោយសារជំនន់ទឹកភ្លៀងកាលពីពេលថ្មីៗនេះ បានធ្វើឱ្យផ្លូវជាតិ លេខ៦៤ ចន្លោះគ.ម៣០ ដល់គ.ម៣១ (ចំណុចស្ពានត្នោតតាដេវ) ស្ថិតក្នុងភូមិបេងមាលា ឃុំបេងមាលា ស្រុកស្វាយលើ ខេត្តសៀមរាប រងការខូចខាត ងាយនឹងបង្កគ្រោះថ្នាក់ជាយថាហេតុដល់អ្នកធ្វើដំណើរ ។ ក្នុងន័យនេះ មន្ទីរសាធារណការ និងដឹកជញ្ជូនខេត្តសៀមរាប សូមធ្វើការផ្អាកការធ្វើចរាចរណ៍ចំពោះរថយន្តធុនធំ គ្រប់ប្រភេទលើកំណាត់ផ្លូវជាតិលេខ ៦៤ ចន្លោះគ.ម៣០ ដល់គ.ម៣១ (ចំណុចស្ពានត្នោតតាដវ) ជាបណ្ដោះអាសន្ន ដើម្បីក្រុមការងារបច្ចេកទេសពិនិត្យជួសជុលឡើងវិញ ៕
ចែករំលែកព័តមាននេះ