ភ្លៀងឥតឈប់ ! បណ្ដាលឲ្យផ្លូវជាតិ៥៥ ខូចខាតដោយការបាក់ច្រោះដី នៅខេត្តពោធិ៍សាត់
- ពោធិ៍សាត់
លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានប្រកាសនៅព្រឹកថ្ងៃទី២៩ ខែកញ្ញា ឆ្នាំ២០២៥ ថា ផ្លូវជាតិលេខ៥៥…
លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានប្រកាសនៅព្រឹកថ្ងៃទី២៩ ខែកញ្ញា ឆ្នាំ២០២៥ ថា ផ្លូវជាតិលេខ៥៥ ត្រង់តំបន់អន្ទង់អាំង ក្នុងខេត្តពោធិ៍សាត់ បានរងការខូចខាតយ៉ាងខ្លាំងដោយសារភ្លៀងធ្លាក់ជាប់ៗគ្នាឥតដាច់អស់រយៈពេលប៉ុន្មានថ្ងៃនេះ ។
អ្នកនាំពាក្យក្រសួងសាធារណការ និងដឹកជញ្ជូន បានបន្តថា ភ្លៀងខ្លាំងបានបណ្ដាលឲ្យមានការបាក់ច្រោះដីធ្លាក់មកលើតួផ្លូវ និងបណ្ដាលឲ្យផ្លូវមួយចំនួនត្រូវបានខូចខាតផងដែរ ។
ភ្លាមៗក្រុមការងារជំនាញផ្លូវថ្នល់ នៃមន្ទីរសាធារណការ និងដឹកជញ្ជូនខេត្តពោធិ៍សាត់ រួមជាមួយអង្គភាពពាក់ព័ន្ធដទៃទៀតក្នុងខេត្ត បានចុះទៅដល់កន្លែងនោះភ្លាមៗ ដើម្បីអន្តរាគមន៍បើកផ្លូវធានាការតភ្ជាប់ឡើងវិញ សម្រួលដល់ការធ្វើដំណើរពលរដ្ឋ ៕
ចែករំលែកព័តមាននេះ