ក្រសួងធនធានទឹក និងឧតុនិយម បានប្រកាស កាលពីថ្ងៃទី២៧ ខែកញ្ញា ឆ្នាំ២០២៥ថា កម្រិតកម្ពស់ទឹក នៅតាមស្ថានីយមួយចំនួននៅក្រៅប្រព័ន្ធទន្លេមេគង្គ គឺលើសកម្រិតប្រកាសឲ្យប្រុងប្រយ័ត្នហើយ ។…
ក្រសួងធនធានទឹក និងឧតុនិយម បានប្រកាស កាលពីថ្ងៃទី២៧ ខែកញ្ញា ឆ្នាំ២០២៥ថា កម្រិតកម្ពស់ទឹក នៅតាមស្ថានីយមួយចំនួននៅក្រៅប្រព័ន្ធទន្លេមេគង្គ គឺលើសកម្រិតប្រកាសឲ្យប្រុងប្រយ័ត្នហើយ ។
ប្រភពដដែលបានឲ្យដឹងថា កន្លងទៅនេះស្ថានីយស្រែពក នៅខាងស្រុកលំផាត់ខេត្តរតនៈគីរីកម្រិតកម្ពស់ទឹកបានឡើងដល់១៣,៣៨ ម៉ែត្រ ខណៈដែលកម្រិតប្រកាសអាសន្ន គឺមានត្រឹម១២,៥០ ម៉ែត្រ ។
ដោយឡែក នៅស្ថានីយសេសាន នៅក្នុងភូមិសាស្ត្របានកំភួននៅក្នុងខេត្តដដែល ទឹកមានកម្ពស់ដល់ទៅ១០,៧៦ ម៉ែត្រ ខណៈដែលកម្រិតប្រកាសអាសន្ន គឺមានត្រឹម៩,៩០ ម៉ែត្រ ។ រីឯកម្រិតកម្ពស់នៅស្ថានីយស្ទឹងសែន ខេត្តកំពង់ធំវិញ ទឹកឡើងដល់កម្រិត១៣,៨៨ ម៉ែត្រ ខណៈដែលកម្រិតប្រកាសអាសន្ន គឺត្រឹម១៣,៥០ ម៉ែត្រ ។
ក្រៅពីនោះកម្រិតកម្ពស់ទឹកនៅស្ទឹងជីក្រែង នៅកំពង់ក្តី ខេត្តសៀមរាប ទឹកឡើងដល់កម្រិត ៨,២២ ម៉ែត្រ ខណៈដែលកម្រិតប្រកាសអាសន្នគឺត្រឹម៨ ម៉ែត្រ ។
ដោយសារតែកម្ពុជាទទួលវិសម្ពាធខ្លះបណ្តាលមកពីព្យុះ ប៊ូឡូយនេះ បានធ្វើឲ្យផ្នែកមួយចំនួនទទួលរងគ្រោះដោយទឹកជំនន់ហើយ ដូចជា នៅមណ្ឌលគីរី និង ខេត្តសៀមរាបជាដើម ៕
ចែករំលែកព័តមាននេះ