បរទេស ៖ បំណុលសកលគិតជាប្រាក់ដុល្លារអាមេរិកបានកើនឡើងដល់កម្រិតខ្ពស់បំផុតជាកំណត់ត្រាថ្មី ពោលចំនួន ៣៣៧,៧ទ្រីលានដុល្លារ គិតត្រឹមចុងត្រីមាសទី២ នៃឆ្នាំនេះដែលជំរុញដោយកត្តាជាច្រើន រួមទាំង ការបន្ធូរបន្ថយលក្ខខណ្ឌហិរញ្ញវត្ថុសកល ការធ្លាក់ចុះតម្លៃប្រាក់ដុល្លារអាមេរិក…
បរទេស ៖ បំណុលសកលគិតជាប្រាក់ដុល្លារអាមេរិកបានកើនឡើងដល់កម្រិតខ្ពស់បំផុតជាកំណត់ត្រាថ្មី ពោលចំនួន ៣៣៧,៧ទ្រីលានដុល្លារ គិតត្រឹមចុងត្រីមាសទី២ នៃឆ្នាំនេះដែលជំរុញដោយកត្តាជាច្រើន រួមទាំង ការបន្ធូរបន្ថយលក្ខខណ្ឌហិរញ្ញវត្ថុសកល ការធ្លាក់ចុះតម្លៃប្រាក់ដុល្លារអាមេរិក ក៏ដូចជាជំហរនៃការបន្ធូរបន្ថយគោលនយោបាយពីបណ្តាធនាគារកណ្តាលសំខាន់ៗនៅលើពិភពលោក។ នេះបើយោងតាមប្រភពពីសារព័ត៌មាន Reuters បានចេញផ្សាយ។
របាយការណ៍ប្រចាំត្រីមាសពីវិទ្យាស្ថានហិរញ្ញវត្ថុអន្តរជាតិ (IIF) កាលពីថ្ងៃទី២៤ ខែកញ្ញា ឆ្នាំ២០២៥ បានបង្ហាញថា បំណុលសកលបានកើនឡើងជាង ២១ទ្រីលានដុល្លារ នៅត្រឹមពាក់កណ្តាលផ្លូវនៃឆ្នាំនេះ នាំឱ្យចំនួនសរុបកើនដល់ ៣៣៧,៧ទ្រីលានដុល្លារ។ ក្នុងនោះ ប្រទេសចិន បារាំង សហរដ្ឋអាមេរិក អាល្លឺម៉ង់ អង់គ្លេស និងជប៉ុន បានកត់ត្រាការកើនឡើងដ៏ច្រើនបំផុតនៃកម្រិតបំណុលគិតជាប្រាក់ដុល្លារអាមេរិក បើទោះជាចំនួននោះបណ្តាលមកពីប្រាក់ដុល្លារធ្លាក់ចុះក៏ដោយ ដោយបានធ្លាក់ចុះ ៩,៧៥% ចាប់តាំងពីដើមឆ្នាំនេះ ធៀបនឹងរូបិយប័ណ្ណពីដៃគូពាណិជ្ជកម្មសំខាន់ៗ។
IIF បានបញ្ជាក់នៅក្នុងការត្រួតពិនិត្យបំណុលសកលរបស់ខ្លួនថា «ទំហំនៃការកើនឡើងបំណុលសកលនៅឆមាសទី១ ឆ្នាំនេះ អាចប្រៀបធៀបគ្នាទៅនឹងការកើនឡើងដែលបានកត់ត្រានៅក្នុងឆមាសទី២ ឆ្នាំ២០២០ នៅពេលការដាក់ចេញគោលនយោបាយឆ្លើយតបទាក់ទងនឹងជំងឺរាតត្បាតកូវីដ១៩ បានជំរុញឱ្យមានការកើនឡើងដែលមិនធ្លាប់មានពីមុនមកនៅក្នុងបំណុលសកល»។
ការក្រឡេកទៅមើលអនុបាតបំណុលធៀបនឹងផលិតផលក្នុងស្រុកសរុប ឬ GDP នោះ ប្រទេសកាណាដា ចិន អារ៉ាប៊ីសាអូឌីត និងប៉ូឡូញ បានឃើញការកើនឡើងខ្លាំងបំផុត ចំពេលដែលការធ្លាក់ចុះត្រូវបានមើលឃើញនៅក្នុងប្រទេសអៀរឡង់ ជប៉ុន និងន័រវែស។ សរុបមក អនុបាតបំណុលធៀបនឹង GDP សកល បានបន្តធ្លាក់ចុះយឺត ដោយស្ថិតនៅកម្រិត ៣២៤%។ ទោះយ៉ាងណាក៏ដោយ ក្នុងទីផ្សារកំពុងរីកចម្រើនបានឈានដល់ ២៤២,៤% ជាកំណត់ត្រាថ្មីមួយ។ បំណុលសរុបក្នុងទីផ្សារកំពុងរីកចម្រើនបានកើនឡើងដល់ ៣,៤ទ្រីលានដុល្លារ នៅក្នុងត្រីមាសទី២ ឆ្នាំនេះ ដែលឈានដល់កម្រិតខ្ពស់បំផុត ពោលជាង ១០៩ទ្រីលានដុល្លារ។
លោក Emre Tiftik នាយកស្រាវជ្រាវ IIF បានថ្លែងនៅក្នុងសិក្ខាសាលាមួយថា ការកើនឡើងការចំណាយផ្នែកយោធានឹងធ្វើឱ្យសម្ពាធតារាងតុល្យការហិរញ្ញវត្ថុរដ្ឋាភិបាលកើនឡើង ចំពេលមានភាពតានតឹងផ្នែកភូមិសាស្ត្រនយោបាយកាន់តែខ្លាំងឡើង។ លោកកត់សម្គាល់ថា ការកើនឡើងបំណុលភាគច្រើនក្នុងបំណុលរដ្ឋាភិបាលដែលកើនឡើងយ៉ាងខ្លាំងក្នុងបណ្តាប្រទេសនៃក្រុមប្រទេសសេដ្ឋកិច្ចរីកចម្រើនទាំង៧ (G7) និងប្រទេសចិន៕
ចែករំលែកព័តមាននេះ