ខេត្តកែប ៖ រឿងដុតចម្ការអំពៅចោលនៅភូមិទួលសាងាំ ឃុំអង្កោល ស្រុកដំណាក់ចង្អើរ ខេត្តកែបដែលកោះសន្តិភាពបានចុះផ្សាយកាលពីថ្ងៃទី23 ខែកញ្ញា ឆ្នាំ2023 នោះត្រូវបានអាជ្ញាធរស្រុកដំណាក់ចង្អើរធ្វើលិខិតអញ្ជើញលោកកែវ ឆាត…
ខេត្តកែប ៖ រឿងដុតចម្ការអំពៅចោលនៅភូមិទួលសាងាំ ឃុំអង្កោល ស្រុកដំណាក់ចង្អើរ ខេត្តកែបដែលកោះសន្តិភាពបានចុះផ្សាយកាលពីថ្ងៃទី23 ខែកញ្ញា ឆ្នាំ2023 នោះត្រូវបានអាជ្ញាធរស្រុកដំណាក់ចង្អើរធ្វើលិខិតអញ្ជើញលោកកែវ ឆាត អ្នកឆ្លងឆ្លើយព័ត៌មានកោះសន្តិភាពប្រចាំខេត្តកំពត និងកែប មកសាកសួររួមទាំងឈ្មោះសុខរិទ្ធផងដែរដែលអះអាងថាខ្លួនជាម្ចាស់ចំការអំពៅ។
ការធ្វើលិខិតហៅអ្នកយកព័ត៏មាននិងអ្នកសម្ភាសន៍អោយចូលមកសាកសួរនៅអធិការដ្ឋាននគរបាលស្រុកដំណាក់ចង្អើរថ្ងៃទី26 ខែកញ្ញា តែសុំលើកពេលចូលមកសាកសួរព្រឹកថ្ងៃទី27 ខែកញ្ញា វិញ ដោយមានលោកឆាងឆៃ អភិបាលស្រុកដំណាក់ចង្អើរ លោកវរសេនីយ៍ទោ ជា សុប័ណ្ណ អធិការនគរបាលស្រុក និងលោកអធិការរងផងដែរ ។ ភ្លាមៗលោកឆាង ឆៃ អភិបាលស្រុកដំណាក់ចង្អើរមានប្រសាសន៍ថា ការផ្សាយថាដុតចម្ការអំពៅចោលដោយគ្មានទីផ្សារនោះហាក់ដូចវាធំពេក ។ ហើយធ្វើអោយប៉ះពាល់អារម្មណ៍ដល់ប្រជាពលរដ្ឋយើងជាទូទៅដែលដាំដំណាំអំពៅនិងដំណាំរួមផ្សំឯទៀត។
លោកឆាងឆៃអភិបាលស្រុកនិយាយថាផ្ទៃដីដំអំពៅនោះវាតូចដែរទេហើយការសាកសួរម្ចាស់អំពៅនោះផ្ទាល់គឺឈ្មោះប៉ូញ ហេង ភេទប្រុស អាយុ42ឆ្នាំ គាត់ថាបានលក់ដើមអំពៅអស់ដែរហើយគាត់មានដុតស្លឹកនិងដើមចាស់ៗចោលដើម្បីយកដីដាំអំពៅមកដាំដំណាំផ្សេងវិញ ។ ចំណែកឯពលរដ្ឋឈ្មោះសុខររឹទ្ធអាយុ30ឆ្នាំដែលមានការសម្ភាសន៍ជាមួយអ្នកកាសែត មិនមែនម្ចាស់ចម្ការទេគ្រាន់តែក្មួយប្រសារ និងជាអ្នករស់នៅជិតដិតជាមួយម្ចាស់ចម្ការដឹងរឿងទាំងអស់ ។
សុខ រិទ្ធ ជារាស្ត្រសាមញ្ញភ័យខ្លាចណាស់ថ្នាក់ស្រុកហៅសួរបែបនេះក៏បានសារភាពពីកំហុសរបស់ខ្លួនដែរដែលផ្ដល់បទសម្ភាសន៍អោយអ្នកកាសែតខ្លួនមិនមែនជាម្ចាស់ចម្ការ។ ចំណែកអ្នកយកព័ត៌មានវិញក៍បានលើកឡើងផងដែរថាខ្លួនហ៊ានផ្សាយព័ត៌មានរឿងដុតចម្ការអំពៅចោលនេះក៍ដោយសារមានបទសម្ភាសដែរ តែខុសរឿងថាអ្នកសម្ភាសន៍មិនមែនជាម្ចាស់ចម្ការ ជាសាច់ញាតិជិតបំផុតប៉ុណ្ណោះ ។
លោកឆាងឆៃ អភិបាលស្រុកដំណាក់ចង្អើរបានសម្របសម្រួលរឿងរាវខាងលើត្រូវបានបញ្ចប់មិនចង់ឈ្លោះមិនចង់អោយនរណាចាញ់ តែតម្រូវអោយខាងការសែតកោះសន្តិភាពជួយផ្សាយបំភ្លឺរឿងដុតចម្ការអំពៅនេះវិញផងកំអោយបងប្អូនប្រជាពលរដ្ឋយើងយល់ច្រឡំបោះបង់ការដាំអំពៅ ។
ចំណែកកោះសន្តិភាពមិនចង់យកឈ្នះ-ចាញ់ជាមួយម្ចាស់ស្រុកដែរ គឺផ្សាយតែរឿងពិតមើលឃើញផ្ទាល់ភ្នែក ឃើ់ញអំពៅអាចនៅលក់បានដែរតើ…តែអត់អ្នកទិញ ទុកយូរពេក ដុតចោលទៅ យកដីដាំថ្មីឡើងវិញគឺមិនខុសទេ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ