ការធ្លាក់ឈាមក្រោយពេលសម្រាលគឺជាស្ថានការណ៍គ្រោះថ្នាក់មួយដែលស្ត្រីគ្រប់រូបគួរយល់ដឹង។ វាអាចបង្កហានិភ័យដល់អាយុជីវិត ប្រសិនបើមិនត្រូវបានព្យាបាលទាន់ពេលវេលា។ ១. តើអ្វីជាការធ្លាក់ឈាមក្រោយសម្រាល?ការធ្លាក់ឈាមក្រោយសម្រាល គឺសំដៅលើការបាត់បង់ឈាមចាប់ពី ៥០០មិល្លីលីត្រ ឡើងទៅ។ វាត្រូវបានបែងចែកជាពីរប្រភេទ៖ ធ្លាក់ឈាមភ្លាមៗ:…
ការធ្លាក់ឈាមក្រោយពេលសម្រាលគឺជាស្ថានការណ៍គ្រោះថ្នាក់មួយដែលស្ត្រីគ្រប់រូបគួរយល់ដឹង។ វាអាចបង្កហានិភ័យដល់អាយុជីវិត ប្រសិនបើមិនត្រូវបានព្យាបាលទាន់ពេលវេលា។
១. តើអ្វីជាការធ្លាក់ឈាមក្រោយសម្រាល?
ការធ្លាក់ឈាមក្រោយសម្រាល គឺសំដៅលើការបាត់បង់ឈាមចាប់ពី ៥០០មិល្លីលីត្រ ឡើងទៅ។ វាត្រូវបានបែងចែកជាពីរប្រភេទ៖
ធ្លាក់ឈាមភ្លាមៗ: កើតឡើងក្នុងរយៈពេល ២៤ ម៉ោងដំបូងក្រោយសម្រាល។
ធ្លាក់ឈាមអូសបន្លាយ: កើតឡើងក្នុងរយៈពេលលើសពី ២៤ ម៉ោង រហូតដល់ ៦ សប្តាហ៍។
ចំណាំ: ស្ត្រីដែលមានភាពស្លេកស្លាំង អាចមានគ្រោះថ្នាក់ដល់ជីវិតទោះបីជាបាត់បង់ឈាមតិចជាង ៥០០មិល្លីលីត្រ ក៏ដោយ។
២. មូលហេតុចម្បងដែលបង្កឱ្យមានការធ្លាក់ឈាម
ស្បូនទន់: នេះជាមូលហេតុចម្បងបំផុត (៧០%) ដែលបណ្តាលមកពីស្បូនមិនអាចកន្ត្រាក់មកវិញបានល្អក្រោយសម្រាល។
ដាច់រហែក: ការដាច់រហែកនៅទ្វារមាស, មាត់ស្បូន, ឬតំបន់ perineum (២០%)។
នៅសល់សុក: នៅសល់កំទេចសុក ឬសុកទាំងមូលនៅក្នុងស្បូន (១០%)។
បញ្ហាឈាមកក: វិបត្តិនៃការកកឈាម (១%)។
៣. អ្នកណាខ្លះដែលមានហានិភ័យ?
កត្តាពីផ្ទៃពោះ: ស្ត្រីមានកូនភ្លោះ, ទឹកភ្លោះច្រើន, ឬកូនថ្លោះ។
កត្តាផ្សេងទៀត: ស្ត្រីដែលធ្លាប់សម្រាលកូនច្រើនដង, មានទម្ងន់ធ្ងន់ពេកពេលមានផ្ទៃពោះ, ធ្លាប់មានប្រវត្តិធ្លាក់ឈាម, ឈឺពោះសម្រាលយូរ ឬលឿនពេក។
លក្ខណៈពិសេស: ស្ត្រីដែលមានសុកពាំងមាត់ស្បូន, មានដុំឈាមកកនៅពីក្រោយសុក, ឬមានភាពស្លេកស្លាំង។
៤. ផលវិបាកធ្ងន់ធ្ងរ
ការធ្លាក់ឈាមក្រោយសម្រាលអាចនាំឱ្យមានផលវិបាកដូចជា៖
បាត់បង់ជីវិត
ខ្សោយតម្រងនោម
វិបត្តិគ្មានកូននៅពេលអនាគត
៥. អ្វីដែលអ្នកគួរធ្វើដើម្បីការពារ?
ពិនិត្យផ្ទៃពោះទៀងទាត់: ទៅជួបគ្រូពេទ្យតាមការណាត់ដើម្បីស្វែងរកកត្តាប្រឈម។
ញ៉ាំជាតិដែក: ទទួលទានជាតិដែកឱ្យបានគ្រប់គ្រាន់ ជាពិសេសសម្រាប់ស្ត្រីដែលមានភាពស្លេកស្លាំង។
គ្រប់គ្រងទម្ងន់: កុំបណ្តោយឱ្យឡើងទម្ងន់ខ្លាំងពេកពេលមានផ្ទៃពោះ។
ជ្រើសរើសមន្ទីរពេទ្យត្រឹមត្រូវ: សម្រាលកូននៅកន្លែងដែលមានក្រុមគ្រូពេទ្យជំនាញ និងសម្ភារៈគ្រប់គ្រាន់។
ដើម្បីសុវត្ថិភាពទាំងម្ដាយ និងទារក សូមអនុវត្តតាមការណែនាំទាំងនេះ និងទៅពិគ្រោះជាមួយគ្រូពេទ្យឯកទេសជាប្រចាំ៕
ប្រភព៖ មន្ទីរពេទ្យកាល់ម៉ែត
ចែករំលែកព័តមាននេះ