ដើម្បីគ្រប់គ្រងកម្រិតជាតិស្ករក្នុងឈាម និងរក្សាសុខភាពល្អ អ្នកគួរតែជ្រើសរើសផ្លែឈើដែលមានជាតិស្ករទាប ។ ផ្លែឈើទាំងនេះ មិនត្រឹមតែមានជាតិស្ករតិចប៉ុណ្ណោះទេ ថែមទាំងសម្បូរទៅដោយជាតិសរសៃ វីតាមីន និងសារធាតុរ៉ែផ្សេងៗទៀត ។…
ដើម្បីគ្រប់គ្រងកម្រិតជាតិស្ករក្នុងឈាម និងរក្សាសុខភាពល្អ អ្នកគួរតែជ្រើសរើសផ្លែឈើដែលមានជាតិស្ករទាប ។ ផ្លែឈើទាំងនេះ មិនត្រឹមតែមានជាតិស្ករតិចប៉ុណ្ណោះទេ ថែមទាំងសម្បូរទៅដោយជាតិសរសៃ វីតាមីន និងសារធាតុរ៉ែផ្សេងៗទៀត ។
ខាងក្រោមនេះ ជាប្រភេទផ្លែឈើដែលមានជាតិស្ករទាប ៖
-ផ្លែបឺរ (Avocado)៖ ផ្លែបឺរជាផ្លែឈើដែលមានជាតិស្ករទាបបំផុត ។ ក្នុងមួយផ្លែបឺរទាំងមូល អាចមានជាតិស្ករតិចជាង១ក្រាម ហើយវាសម្បូរទៅដោយខ្លាញ់ល្អ (monounsaturated fat) ដែលល្អសម្រាប់បេះដូង ។
-ផ្លែប៊ឺរី (Berries)៖ ក្រុមផ្លែប៊ឺរីមានដូចជា ស្ត្រប៊ឺរី (Strawberries), ប្លេកប៊ឺរី (Blackberries), និងរ៉ាស់ប៊ឺរី (Raspberries) សុទ្ធតែមានជាតិស្ករទាប និងសម្បូរទៅដោយសារធាតុប្រឆាំងអុកស៊ីតកម្ម (Antioxidants) ។ ឧទាហរណ៍ ស្ត្រប៊ឺរីមួយពែង មានជាតិស្ករត្រឹមតែ ៧ក្រាមប៉ុណ្ណោះ ។
-ផ្លែក្រូចឆ្មារ (Citrus Fruits)៖ ផ្លែក្រូចឆ្មារដូចជា ក្រូចឆ្មារលឿង (Lemon) និង ក្រូចឆ្មារបៃតង (Lime) មានជាតិស្ករទាបបំផុត ។ វាសម្បូរទៅដោយវីតាមីន C និងល្អសម្រាប់សុខភាព ។ ក្រៅពីនេះ ផ្លែក្រូចថ្លុង (Grapefruit) និង ផ្លែក្រូច (Oranges) ក៏ជាជម្រើសល្អដែរ ព្រោះវាមានជាតិស្ករទាបជាងផ្លែឈើដទៃទៀត។
-ផ្លែប៉េស (Peach)៖ ផ្លែប៉េសមានរសជាតិផ្អែម ប៉ុន្តែវាមានជាតិស្ករទាប។ ផ្លែប៉េសមួយផ្លែមានជាតិស្ករប្រហែល១៣ ក្រាម ហើយវាមានផ្ទុកវីតាមីន A និង C ខ្ពស់។
-ផ្លែគីវី (Kiwi)៖ ផ្លែគីវីមួយផ្លែមានជាតិស្ករប្រហែល៧ ក្រាម ហើយវាសំបូរទៅដោយវីតាមីន C និងជាតិសរសៃ ។
-ផ្លែត្របែក (Guava)៖ ផ្លែត្របែកមានជាតិស្ករទាប បើធៀបនឹងផ្លែឈើត្រូពិចផ្សេងៗ ។ ផ្លែត្របែកមួយផ្លែមានជាតិស្ករប្រហែល៤.៩ ក្រាម។
-ឪឡឹក (Watermelon)៖ ទោះបីជាឪឡឹកមានរសជាតិផ្អែម ប៉ុន្តែវាមានជាតិស្ករទាប ព្រោះវាមានជាតិទឹកច្រើន ។ ឪឡឹកមួយពែងមានជាតិស្ករតិចជាង១០ ក្រាម។
ការបរិភោគផ្លែឈើទាំងនេះ គឺជារបៀបដ៏ល្អដើម្បីទទួលបានសារធាតុចិញ្ចឹមដែលចាំបាច់សម្រាប់រាងកាយ ជាមួយនឹងការកាត់បន្ថយការទទួលទានជាតិស្ករ ៕
ចែករំលែកព័តមាននេះ