ខេត្តកណ្តាល ៖ កម្មករសំណង់ម្នាក់ចេញពីកន្លែងធ្វើការត្រឡប់មករោងស្នាក់នៅវិញត្រូវ បានជនសង្ស័យចំនួន២នាក់ វា.យប្ល.ន់យកម៉ូតូមួយគ្រឿងជិះគេចខ្លួនដោយសុវត្ថិភាព ។ ហេតុការណ៍នេះ ដែលបានកើតទ្បើងកាលពីវេលាម៉ោង ៩និង៣៤នាទីយប់ ថ្ងៃទី១៧…
ខេត្តកណ្តាល ៖ កម្មករសំណង់ម្នាក់ចេញពីកន្លែងធ្វើការត្រឡប់មករោងស្នាក់នៅវិញត្រូវ បានជនសង្ស័យចំនួន២នាក់ វា.យប្ល.ន់យកម៉ូតូមួយគ្រឿងជិះគេចខ្លួនដោយសុវត្ថិភាព ។ ហេតុការណ៍នេះ ដែលបានកើតទ្បើងកាលពីវេលាម៉ោង ៩និង៣៤នាទីយប់ ថ្ងៃទី១៧ ខែកញ្ញា ឆ្នាំ២០២៥ ស្ថិតនៅតាមបណ្តោយផ្លូវជាតិ ក្នុងភូមិព្រែកគួច ឃុំបឹងខ្យាង ស្រុកកណ្តាលស្ទឹង ខេត្តកណ្តាល ។
ជនរងគ្រោះមានឈ្មោះ ចាន់ ភក្ត្រ័ ភេទប្រុស អាយុ៤០ឆ្នាំ មានមុខរបរកម្មករសំណង់ ស្នាក់នៅម្តុំព្រលានថ្មី ក្នុងឃុំបឹងខ្យាង ស្រុកកណ្តាលស្ទឹង ខេត្តកណ្តាល ។
បើយោងតាមប្រភពពីជនរងគ្រោះបានឱ្យដឹងថា មុនកើតហេតុ រូបគាត់ជិះម៉ូតូ មួយគ្រឿង ម៉ាកឌ្រីមសង់ ស៊េរីឆ្នាំ២០២៥ ពណ៌ខ្មៅ ពាក់ស្លាកលេខ ភ្នំពេញ 1JX 1509 ចេញពីកន្លែងធ្វើការ ដើម្បីត្រទ្បប់មករោងស្នាក់នៅវិញទិសដៅពីជើងទៅត្បូង ស្រាប់តែមកដល់ចំណុចកើតហេតុ ក៏លេចមុខនៅក្រុមជនសង្ស័យមានគ្នា២នាក់ ជិះម៉ូតូមួយគ្រឿងមិនចាំម៉ាក ជិះមកពីក្រោយ ស្ទុះយកបំពង់ទីបវា.យជនរងគ្រោះ បណ្ដាលអោយដួលម៉ូតូ រួចជនសង្ស័យបានលើម៉ូតូជិះយកទៅបាត់ដោយសុវត្ថិភាពតែម្តង ។
បើតាមការលើកទ្បើងពីប្រជាពលរដ្ឋ ដែលរស់នៅក្នុងមូលដ្ឋាន ស្រុកកណ្តាលស្ទឹង សូមសំណូមពរទៅកាន់លោកឈឿន សុចិត្ត ស្នងការនគរបាលខេត្តកណ្តាល មេត្តាជួយដាក់កម្លាំងល្បាត នៅក្នុងមូលដ្ឋានខាងលើនេះផង ដោយសារពួកគាត់មានការភ័យខ្លាចយ៉ាងខ្លាំង ពេលដែលធ្វើដំណើរពេលយប់ព្រលប់ដោយសារតែជិតដល់ភ្ជុំធំមកដល់ហើយ ។
ក្រោយកើតហេតុ ជនរងគ្រោះក៏បានមកដាក់ពាក្យនៅប៉ុស្តិ៍នគរបាលរដ្ឋបាលបឹងខ្យាង ដើម្បីអោយសមត្ថកិច្ចជួយស្រាវជ្រាវចាប់យកជនសង្ស័យមកចាត់ការតាមនីតិវិធីច្បាប់ ៕
ចែករំលែកព័តមាននេះ