ប៉ុស្តិ៍នគរបាលច្រកទ្វារព្រំដែនអន្តរជាតិចាំយាម បានប្រកាសនៅលើបណ្តាញសង្គមនាព្រឹកថ្ងៃទី១៧ ខែកញ្ញា ឆ្នាំ២០២៥នេះថា ៖ នៅថ្ងៃទី១៧ ខែកញ្ញា ឆ្នាំ២០២៥ កម្លាំងប៉ុស្តិ៍នគរបាលច្រកទ្វារព្រំដែនអន្តរជាតិចាំយាម បានត្រៀមរៀបចំទទួលពលករកម្ពុជា…
ប៉ុស្តិ៍នគរបាលច្រកទ្វារព្រំដែនអន្តរជាតិចាំយាម បានប្រកាសនៅលើបណ្តាញសង្គមនាព្រឹកថ្ងៃទី១៧ ខែកញ្ញា ឆ្នាំ២០២៥នេះថា ៖ នៅថ្ងៃទី១៧ ខែកញ្ញា ឆ្នាំ២០២៥ កម្លាំងប៉ុស្តិ៍នគរបាលច្រកទ្វារព្រំដែនអន្តរជាតិចាំយាម បានត្រៀមរៀបចំទទួលពលករកម្ពុជា ដែលត្រូវខាងភាគីថៃត្រៀម និងបញ្ជូនមកកម្ពុជាវិញ ។
ប៉ុស្តិ៍នគរបាលច្រកទ្វារព្រំដែនអន្តរជាតិចាំយាម បានបញ្ជាក់ថា ក្នុងនោះដែរ ស្ថាប័នដែលពាក់ព័ន្ធក៏បានរួមសហការគ្នា និងត្រៀមជាស្រេច ក្នុងការទទួលពលករកម្ពុជា ព្រមទាំងសម្របសម្រួលសណ្តាប់ធ្នាប់ របៀបរៀបរយ ដល់ដំណើរចូលប្រទេសរបស់បងប្អូនពលករខ្មែរដែលត្រឡប់មកពីប្រទេសថៃវិញ ប្រកបដោយសុវត្ថិភាព និងជួយជញ្ជូនសម្ភារៈផ្ទាល់ខ្លួនរបស់ពួកគាត់ពីច្រកទ្វារដល់ទីតាំងរង់ចាំទទួលពលករ ។
សូមបញ្ជាក់ថា សូមបញ្ជាក់ ដើម្បីដោះស្រាយបញ្ហាពលករខ្មែរវិលចូលស្រុកវិញ សម្តេចតេជោ ហ៊ុន សែន ប្រធានព្រឹទ្ធសភា បានណែនាំឱ្យស្ថាប័នពាក់ព័ន្ធត្រៀមទទួលពលករខ្មែរ និងដោះស្រាយការងារជូនពួកគាត់ ខណៈកម្ពុជាក៏កំពុងខ្វះកម្លាំងពលកម្មក្នុងស្រុកបើម្រើឱ្យវិស័យសំខាន់ៗជាច្រើនទៀត។
សម្តេចតេជោ ហ៊ុន សែន បានបង្ហោះសារនៅថ្ងៃទី១៣ ខែ មិថុនាថា ក្នុងករណីថៃមិនព្រមបើកច្រកព្រំដែនដែលខ្លួនបានបិទជាឯកភាគី កម្ពុជាត្រូវធ្វើ ៖« ត្រៀមទទួលយក និងដោះស្រាយការងារជូនពលករដែល និងវិលត្រឡប់ពីប្រទេសថៃ។ កម្ពុជាកំពុងខ្វះកម្លាំងពលកម្មទាំងក្នុងវិស័យឧស្សាហកម្ម ទាំងក្នុងវិស័យកសិកម្ម និងសំណង់រាប់សិបម៉ឺនកន្លែង ៕
ចែករំលែកព័តមាននេះ