ខេត្តសៀមរាប ៖ នៅឯផ្សារលើធំថ្មី ខេត្តសៀមរាប គេតែងតែឃើញបុរសពិការភ្នែកម្នាក់ អង្គុយលក់បន្លែ និងផ្លែឈើ យ៉ាងស្ងៀមស្ងាត់នៅកៀនផ្លូវ។ បើទោះជាគាត់បាត់បង់ពន្លឺភ្នែកក្តី តែគាត់មិនបានបាត់បង់ភាពរឹងមាំ…
ខេត្តសៀមរាប ៖ នៅឯផ្សារលើធំថ្មី ខេត្តសៀមរាប គេតែងតែឃើញបុរសពិការភ្នែកម្នាក់ អង្គុយលក់បន្លែ និងផ្លែឈើ យ៉ាងស្ងៀមស្ងាត់នៅកៀនផ្លូវ។ បើទោះជាគាត់បាត់បង់ពន្លឺភ្នែកក្តី តែគាត់មិនបានបាត់បង់ភាពរឹងមាំ នៃជីវិតនោះទេ នេះបើយោងតាមទំព័រហ្វេសប៊ុក«ព្រះពុទ្ធសាសនា» ។
ការអង្គុយលក់របស់គាត់ គឺពោរពេញទៅដោយការតាំងចិត្ត និងភាពអត់ធ្មត់។ នៅពេលអតិថិជនមកសួរទិញបន្លែ ឬផ្លែឈើ ច្បាស់ជាឃើញស្លាកមួយសន្លឹកដាក់ពីមុខ ដោយសរសេរអក្សរខ្មែរ និងអក្សរអង់គ្លេសថា «លក់បន្លែ ឬផ្លែឈើដោយជនពិការ សូមបងប្អូនមេត្តាជួយទិញផង»។ ហើយថ្ងៃខ្លះ គាត់លក់បន្លែ និងថ្ងៃខ្លះទៀត គាត់លក់ផ្លែឈើ ។
បុរសពិការភ្នែករូបនេះ គេនៅមិនទាន់ស្គាល់អត្តសញ្ញាណ និងទីកន្លែងរស់នៅរបស់គាត់នៅឡើយទេ ដឹងត្រឹមថា គាត់មានបងប្អូន២នាក់ (ម្នាក់ខ្វាក់ភ្នែក ម្នាក់ទៀតខ្វិន)។ វត្តមានរបស់គាត់បានបង្ហាញថា ទោះបីជាយើងបាត់បង់អ្វីមួយក៏ដោយ ក៏យើងមិនត្រូវចុះចាញ់ចំពោះវាសនាឡើយ ៕
ចែករំលែកព័តមាននេះ