ខេត្តសៀមរាប៖ អាជ្ញាធរខេត្តសៀមរាប បានណែនាំមន្ត្រីក្រោមឱវាទឱ្យរៀបចំបន្ទប់អគ្គិសនីនៅក្នុងក្រុងសៀមរាបគូសជារូបគំនូរសិល្បៈ បង្ហាញពីវប្បធម៌ និងទំនៀមទម្លាប់ប្រពៃអ្នកស្រុកអង្គរ។

យោងតាមការចុះផ្សាយរបស់រដ្ឋបាលខេត្តសៀមរាប នៅថ្ងៃទី១៥ ខែកញ្ញានេះ បានឱ្យដឹងថា ការណ៍នេះធ្វើឡើងក្នុងន័យកែលម្អសោភណភាព និងទាក់ទាញភ្ញៀវទេសចរ តាមការចង្អុលបង្ហាញរបស់ឯកឧត្តម ប្រាក់ សោភ័ណ អភិបាលនៃគណៈអភិបាលខេត្ត។

ក្រុមការងារដឹកនាំ ដោយ លោក យុន លីនណេ អភិបាលរងនៃគណៈអភិបាលខេត្ត នឹងរៀបចំកែលម្អ ដោយសហការជាមួយអ្នកជំនាញ និងអ្នកស្ម័គ្រចិត្ត ដើម្បីរៀបចំបន្ទប់អគ្គិសនីនៅក្នុងក្រុងសៀមរាប ដូចមានក្នុងរូបខាងក្រោម៕