រាជធានីភ្នំពេញ ៖ បុរសជាងដែកម្នាក់ បានធ្លាក់ពីលើកន្ត្រកដងស្ទូច កម្ពស់ប្រមាណ ១០ម៉ែត្រ បណ្ដាលឲ្យរងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យ ។ ហេតុការណ៍គ្រោះថ្នាក់នេះ…
រាជធានីភ្នំពេញ ៖ បុរសជាងដែកម្នាក់ បានធ្លាក់ពីលើកន្ត្រកដងស្ទូច កម្ពស់ប្រមាណ ១០ម៉ែត្រ បណ្ដាលឲ្យរងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យ ។
ហេតុការណ៍គ្រោះថ្នាក់នេះ បានកើតឡើងនៅវេលាម៉ោង១២ថ្ងៃត្រង់ ថ្ងៃទី១៥ ខែកញ្ញា ឆ្នាំ២០២៥ នៅចំណុចអគារស្នាក់ការក្រុមហ៊ុន អាស៊ី រៀល អ៊ីស្ទេត ខេមបូឌា (ARC) ស្ថិតនៅបុរីមួយកន្លែង ក្រោយផ្សារអ៊ីអន២ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
បុរសរូបនោះ ពុំត្រូវគេស្គាល់អត្តសញ្ញាណឡើយ គេអះអាងថា ជាជាងដែក ត្រូវបានបញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា-ចិន ព្រះកុសុមៈ ។
តាមសាក្សីបានឲ្យដឹងថា នៅមុនពេលកើតហេតុ គេឃើញបុរសរូបនោះ រួមនឹងក្រុមការងាររៀបចំឥវ៉ាន់ដាក់ក្នុងកន្ត្រកស្ទូចឡើងទៅលើដំបូលស្នាក់ការក្រុមហ៊ុនខាងលើ ស្រាប់តែរបូតដៃធ្លាក់មកក្រោម បណ្ដាលឲ្យបោកក្បាលរងរបួសធ្ងន់ ហើយត្រូវបានក្រុមការងារបញ្ជូនទៅកាន់មន្ទីរពេទ្យ ដើម្បីសង្គ្រោះ។ ទោះបីជាយ៉ាងណា គេពុំដឹងថា ក្រុមជាងរូបនោះរៀបចំធ្វើអ្វីពិតប្រាកដឡើយ។
បន្ទាប់ពីកើតមានគ្រោះថ្នាក់ នគរបាលមូលដ្ឋាន ក៏បានចុះទៅសាកសួរ និងស្រាវជ្រាវជុំវិញការកើតមានគ្រោះថ្នាក់នេះ ៕
ចែករំលែកព័តមាននេះ