ខេត្តបាត់ដំបង ៖ កិច្ចប្រតិបត្តិការបង្ក្រាបបទល្មើសនេសាទរបស់កន្លងយោធភូមិភាគទី៥ ជាមួយកន្លងកងរាជអាវុធហត្ថបានរកឃើញឧបករណ៍នេសាទខុច្បាប់ជាច្រើនកន្លែង ហើយត្រូវកាប់បំផ្លាញចោល កាលពីថ្ងៃទី១៤ កញ្ញា នៅក្នុងតំបន់អតី«ឡូត៍នេសាទលេខ៦» ស្ថិតក្នុងភូមិបាក់ព្រា ឃុំព្រៃចាស់…
ខេត្តបាត់ដំបង ៖ កិច្ចប្រតិបត្តិការបង្ក្រាបបទល្មើសនេសាទរបស់កន្លងយោធភូមិភាគទី៥ ជាមួយកន្លងកងរាជអាវុធហត្ថបានរកឃើញឧបករណ៍នេសាទខុច្បាប់ជាច្រើនកន្លែង ហើយត្រូវកាប់បំផ្លាញចោល កាលពីថ្ងៃទី១៤ កញ្ញា នៅក្នុងតំបន់អតី«ឡូត៍នេសាទលេខ៦» ស្ថិតក្នុងភូមិបាក់ព្រា ឃុំព្រៃចាស់ ស្រុកឯងភ្នំ តែរកមុខអ្នកប្រព្រឹត្តបទល្មើសមិនឃើញទេ ។
យោងតាមរបាយពណ៍បានឲ្យដឹងថា កិច្ចប្រតិបត្តិការបង្ក្រាបបទល្មើសនេះ ធ្វើឡើងដោយកម្លាំងយោធភូមិភាគទី៥ កម្លាំងតំបន់ប្រតិបត្តិការសឹករង បាត់ដំបង និងកម្លាំងមូលដ្ឋានកងរាជអាវុធហត្ថស្រុកឯកភ្នំ តំបន់ប្រតិបត្តិការណ៍សឹករងបាត់ដំបង តែពុំមានមុខមន្ត្រីជលផលចូលរួមទេ ។ កម្លាំងនេះបានប្រើប្រាស់មធ្យោបាយកាណូតស្មាច់០៤គ្រឿង ជាមួយនឹងការបង្ហោះដ្រូន ដើម្បីស្វែងរកទីតាំងបទល្មើសនេសាទ ។
បើតាមរបាយការណ៍របស់សមត្ថកិច្ចខាងលើ កម្លាំងកងទ័ពបានរកឃើញទីតាំងប្រព្រឹត្តបទល្មើសនេសាទខុសច្បាប់ជាច្រើនកន្លែងដែលស្ថិតក្នុងតំបន់អតីត«ឡូត៍នេសាទលេខ៦»។ កម្លាំងយោធាបានបញ្ជាក់ក្នុងរបាយការណ៍ថា វត្ថុតាងដែលជនល្មើសប្រើប្រាស់ ប្រព្រឹត្តបទល្មើសនេសាទ ត្រូវកម្លាំងយោធាកាប់បំផ្លាញចោលមានដូចជា របាំងសាច់អ៊ួន ប្រវែង ១,៤៥០ម៉ែត្រ បង្គោលឈើចំនួន៣២០ដើម និងឡុកចាប់ត្រីចំនួន០៧កន្លែង តែកម្លាំងបង្ក្រាបបទល្មើសនេះ ស្រាវជ្រាវរកមិនឃើញមុខជនប្រព្រឹត្តបទល្មើសនេះទេ ។
ទោះយ៉ាងណា កម្លាំងយោធានិងកម្លាំងកងរាជអាវុធហត្ថនៅតែបន្តកិច្ចប្រតិបត្តិការនេះ ខណៈដែលមន្ត្រីជលផលសម្ងំស្ងៀមលែងធ្វើសកម្មភាព ៕
ចែករំលែកព័តមាននេះ