ខេត្តបន្ទាយមានជ័យ ៖ ទឹកលិចទៀតហើយដែលនេះជាលើកទី២នៅដើមខែកញ្ញា ឆ្នាំ២០២៥ ដែលជំនន់ទឹកភ្លៀងលិចផ្លូវបង្កលំបាកដល់ប្រជាពលរដ្ឋ គិតត្រឹមល្ងាចថ្ងៃទី១៤ ខែកញ្ញា ឆ្នាំ២០២៥ ស្ថិតនៅក្រុងប៉ោយប៉ែត ។…
ខេត្តបន្ទាយមានជ័យ ៖ ទឹកលិចទៀតហើយដែលនេះជាលើកទី២នៅដើមខែកញ្ញា ឆ្នាំ២០២៥ ដែលជំនន់ទឹកភ្លៀងលិចផ្លូវបង្កលំបាកដល់ប្រជាពលរដ្ឋ គិតត្រឹមល្ងាចថ្ងៃទី១៤ ខែកញ្ញា ឆ្នាំ២០២៥ ស្ថិតនៅក្រុងប៉ោយប៉ែត ។
ប្រជាពលរដ្ឋបានប្រាប់ថា នៅក្រុងប៉ោយប៉ែតនៅពេលមានភ្លៀងធ្លាក់មួយមេធំរយៈពេលជិត១ម៉ោង ជំនន់ទឹកភ្លៀងបានលិចផ្លូវបណ្តាលឱ្យមានការលំបាកនៅផ្លូវមួយចំនួនសង្កាត់អូរជ្រៅ និងសង្កាត់ប៉ោយប៉ែត និងសង្កាត់ផ្សារកណ្តាល ។
ពលរដ្ឋបន្តថា នេះជាលើកទី២ហើយនៅដើមខែកញ្ញា ឆ្នាំ២០២៥ កាលពីលើកទី១ នៅថ្ងៃទី០៧ ខែកញ្ញា ឆ្នាំ២០២៥ នៅពេលមានភ្លៀងមួយយប់ពេញ បណ្តាលឱ្យលិចផ្លូវមួយចំនួនដែលប៉ះពាល់៣សង្កាត់ ហើយលើកទី២ នៅថ្ងៃទី១៤ ខែកញ្ញា ឆ្នាំ២០២៥ មានភ្លៀងមួយមេធំជិត១ម៉ោង បណ្តាលលិចផ្លូវ៣សង្កាត់ដដែល ។
ប្រជាពលរដ្ឋបានបញ្ជាក់ទៀតថា នៅក្រុងប៉ោយប៉ែតមិនដឹងថា ពេលណា ឆ្នាំណា ផុតពីការលំបាកដោយសារជំនន់ទឹកភ្លៀងជន់លិចផ្លូវទេ ។ ជាក់ស្តែងកាលពីឆ្នាំ២០២៤កន្លងទៅបណ្តាលជនលិចទូទាំងក្រុងប៉ោយប៉ែត ដោយសារជំនន់ទឹកភ្លៀង បណ្តាលឱ្យប៉ះពាល់ផ្ទៈសម្បែងប្រជាពលរដ្ឋ និងម៉ូតូនិងរថយន្ត ត្រូវបានខូចជាងរាប់រយគ្រឿង តែឆ្នាំនេះមិនទាន់លិចលង់ដូចឆ្នាំមុនទេ តែក៏ជាការបារម្ភដែរ ។
បើសិនជាភ្លៀងធ្លាក់១សប្តាហ៍ជាប់ នោះនឹងប្រឈមលិចដូចឆ្នាំមុនអីចឹង ព្រោះតែប្រព័ន្ធរំដោះទឹកលូតូច ហើយចាក់ដីលុបបណ្តាលឱ្យស្ទះលិចគ្រប់ពេលមានភ្លៀងធ្លាក់ ពួកគាត់សង្ឃឹមថា អាជ្ញាធរក្រុងនិងសង្កាត់នឹងរកដំណោះស្រាយការពារទុកជាមុន ។
បើតាមអាជ្ញាធរក្រុងប៉ោយប៉ែតបានបញ្ជាក់ដែរថា មូលហេតុដែលជំនន់ទឹកភ្លៀងជន់លិចផ្លូវមួយចំនួន ក្រោយមានភ្លៀងធ្លាក់ខ្លាំង ក៏ព្រោះទឹកហូរមិនទាន់ បើរាំងតែមួយថ្ងៃអាចទឹកស្រកអស់ជាធម្មតាហើយ ។
ពេលនេះអាជ្ញាធរក្រុងប៉ោយប៉ែតបានដោះស្រាយផលលំបាកជូនប្រជាពលរដ្ឋ ព្រោះពេលនេះអាជ្ញាធរបានយកលូខ្នាតធំមុខជាង១ម៉ែត្រកន្លះ កំពុងដាក់ជាបណ្តើរៗ អាចឆ្នាំក្រោយប្រជាពលរដ្ឋលែងលំបាកទៀតហើយ ពេលនេះអាជ្ញាធរកំពុងដាក់ប្រព័ទ្ធលូរំដោះអោយបានរួចរាល់ក្នុងពេលឆាប់ៗ ៕
ចែករំលែកព័តមាននេះ