រាជធានីភ្នំពេញ ៖ នៅថ្ងៃអាទិត្យទី១៤ ខែកញ្ញា ឆ្នាំ២០២៥ ប្រជាពលរដ្ឋមកគ្រប់ទិសទីបានសម្រុកទៅទស្សនាព្រលានយន្តហោះថ្មីធ្វើ ឲ្យមានការកកស្ទះចរាចរណ៍ណែនតាន់តាប់ រហូតដល់អភិបាលខេត្តកណ្តាល បានអំពាវនាវឲ្យពលរដ្ឋផ្អាកទៅលេងសិន ។…
រាជធានីភ្នំពេញ ៖ នៅថ្ងៃអាទិត្យទី១៤ ខែកញ្ញា ឆ្នាំ២០២៥ ប្រជាពលរដ្ឋមកគ្រប់ទិសទីបានសម្រុកទៅទស្សនាព្រលានយន្តហោះថ្មីធ្វើ ឲ្យមានការកកស្ទះចរាចរណ៍ណែនតាន់តាប់ រហូតដល់អភិបាលខេត្តកណ្តាល បានអំពាវនាវឲ្យពលរដ្ឋផ្អាកទៅលេងសិន ។
អភិបាលខេត្តកណ្តាល ឯកឧត្តម គួច ចំរើន បានអំពាវនាវ ដល់ប្រជាពលរដ្ឋដែលមានបំណងអញ្ជើញទៅលេងនៅអាកាសយាន្តដ្ឋានអន្តរជាតិតេជោ សូមផ្អាកអញ្ជើញទៅលេងសិន ដោយសារនៅថ្ងៃអាទិត្យនេះមានបង ប្អូនប្រជាពលរដ្ឋយើងគាត់មកលេងច្រើនណាស់ បណ្តាលឲ្យមានការកកស្ទះគ្រប់កន្លែង សូមរង់ចាំថ្ងៃក្រោយវិញ ។
ឯកឧត្តមអភិបាលខេត្ត បានបញ្ចាក់ថា គិតត្រឹមម៉ោង១២.០០នាទីថ្ងៃត្រង់នេះ អ្នកមកលេងកម្សាន្ត នៅក្នុងអាកាសយាន្តដ្ឋានអន្តរជាតិតេជោ មានមនុស្សណែនណាន់តាន់តាប់ច្រើនណាស់ ចំណតក៏ពេញតាមដងផ្លូវក៏កកស្ទះ អត់សប្បាយទេ ។ សូមបង ប្អូនរងចាំមកលេងកម្សាន្តនៅថ្ងៃក្រោយប្រសើរជាង ។
សូមជម្រាបថា បន្ទាប់ព្រលានយន្តហោះបានប្រកាសបើការហោះហើរជាផ្លូវការ កាលពីថ្ងៃទី៩ កញ្ញា ឆ្នាំ២០២៥ គេឃើញថា មានប្រជាពលរដ្ឋទាំងចាស់ក្មេងបាននាំគ្នាទៅលេងយ៉ាងច្រើន ព្រោះចង់ដឹងពីស្នាងដៃកូនខ្មែរជាប្រវត្តិសាស្ត្រថ្មីមួយកើត ក្រោមដឹកនាំរបស់រាជរដ្ឋាភិបាលសម័យសម្តេចតេជោ ហ៊ុន សែន រហូតមកដល់សម្តេចបវរធិបតី ហ៊ុន ម៉ាណែតនាយករដ្ឋមន្ត្រីនាពេលបច្ចុប្បន្ន៕
ចែករំលែកព័តមាននេះ