តើអ្នកធ្លាប់ភ្ញាក់ពីគេងហើយមានអារម្មណ៍អស់កម្លាំង ឬមិនសូវស្រស់ស្រាយទេ? នេះអាចបណ្តាលមកពីការខ្សោះជាតិទឹក។ ការភ្ញាក់ពីគេងហើយផឹកទឹកមួយកែវនៅពេលព្រឹក គឺជាទម្លាប់ដ៏សាមញ្ញ ប៉ុន្តែមានអត្ថប្រយោជន៍ដ៏អស្ចារ្យសម្រាប់សុខភាពរាងកាយទាំងមូល។
ហេតុអ្វីគួរផឹកទឹកពេលព្រឹក?
បំពេញជាតិទឹកដែលបាត់បង់៖ បន្ទាប់ពីគេងអស់ជាច្រើនម៉ោង រាងកាយរបស់យើងបាត់បង់ជាតិទឹកច្រើន។ ការផឹកទឹកពេលព្រឹកជួយបំពេញជាតិទឹកភ្លាមៗ និងធ្វើឱ្យរាងកាយចាប់ផ្តើមដំណើរការបានល្អ។
បង្កើនស្មារតី និងថាមពល៖ ជាតិទឹកអាចជួយជំរុញចរន្តឈាមទៅកាន់ខួរក្បាល ដែលធ្វើឱ្យអ្នកមានអារម្មណ៍ស្វាហាប់ ភ្ញាក់រលឹក និងកម្ចាត់ភាពងងុយគេង។
ជំរុញប្រព័ន្ធមេតាប៉ូលីស៖ ការផឹកទឹកក្តៅមួយកែវនៅពេលព្រឹកអាចជួយបង្កើនល្បឿនមេតាប៉ូលីស ដែលជួយដល់ការដុតបំផ្លាញកាឡូរី និងគ្រប់គ្រងទម្ងន់។
ជួយសម្អាតជាតិពុល៖ ការផឹកទឹកពេលព្រឹកអាចជួយជំរុញចលនាពោះវៀន និងជួយកម្ចាត់ជាតិពុលចេញពីរាងកាយតាមរយៈទឹកនោម។
ដូច្នេះចាប់ពីថ្ងៃនេះតទៅ សូមកុំភ្លេចដាក់ទឹកមួយកែវក្បែរគ្រែ ដើម្បីឱ្យអ្នកអាចផឹកភ្លាមៗបន្ទាប់ពីភ្ញាក់ពីគេង។ ទម្លាប់តូចមួយនេះ អាចផ្លាស់ប្តូរសុខភាពរបស់អ្នកបានយ៉ាងអស្ចារ្យ៕
ចែករំលែកព័តមាននេះ