ខេត្តកំពង់ស្ពឺ ៖ ក្រុមជនសង្ស័យជាចោរលួចគោចំនួន០២នាក់ ក្នុងចំណោមបក្ខពួកច្រើននាក់ ត្រូវបានកម្លាំងនគរបាលស្រុកសាមគ្គីមុនីជ័យធ្វើការឃាត់ខ្លួនបន្តបន្ទាប់គ្នា ខណៈដែលក្រុមជនសង្ស័យ និងបក្ខពួកធ្វើសកម្មភាពលួចគោរបស់ប្រជាពលរដ្ឋចំនួន១៤លើក នៅក្នុងស្រុកសាមគ្គីមុនីជ័យ ស្រុកគងពិសី ស្រុកសំរោងទង…
ខេត្តកំពង់ស្ពឺ ៖ ក្រុមជនសង្ស័យជាចោរលួចគោចំនួន០២នាក់ ក្នុងចំណោមបក្ខពួកច្រើននាក់ ត្រូវបានកម្លាំងនគរបាលស្រុកសាមគ្គីមុនីជ័យធ្វើការឃាត់ខ្លួនបន្តបន្ទាប់គ្នា ខណៈដែលក្រុមជនសង្ស័យ និងបក្ខពួកធ្វើសកម្មភាពលួចគោរបស់ប្រជាពលរដ្ឋចំនួន១៤លើក នៅក្នុងស្រុកសាមគ្គីមុនីជ័យ ស្រុកគងពិសី ស្រុកសំរោងទង និងស្រុកភ្នំស្រួច កក្រើកខេត្តកំពង់ស្ពឺ ។
ការឃាត់ខ្លួនក្រុមចោរលួចគោកក្រើកខេត្តកំពង់ស្ពឺ បានកាលពីថ្ងៃទី១៣ ខែកញ្ញា ឆ្នាំ២០២៥ នៅតាមបណ្តោយផ្លូវជាតិលេខ៥១ ស្ថិតនៅក្នុងភូមិរោងដំរី ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ ។
នគរបាលខេត្តកំពង់ស្ពឺ បាននិយាយឱ្យដឹងថា ក្រុមជនសង្ស័យដែលឃាត់ខ្លួនបានមានឈ្មោះ វង់ ចាន់ផាក់ អាយុ៣៨ឆ្នាំ មុខរបរមិនពិតប្រាកដ រស់នៅក្នុងភូមិធម្មយុទ្ធ សង្កាត់ផ្អេរ ក្រុងកំពង់ឆ្នាំង ខេត្តកំពង់ឆ្នាំង និងម្នាក់ទៀតឈ្មោះមាន សំ ដារ៉ា ហៅរ៉ា ភេទប្រុស អាយុ៤១ឆ្នាំមុខរបរមិនពិតប្រាកដ រស់នៅក្នុងភូមិដើមពពេល ឃុំថ្មឥដ្ឋ ស្រុកកំពង់ត្រាច ខេត្តកំពង់ឆ្នាំង ។
នគរបាលខេត្តកំពង់ស្ពឺ បានបន្តថា នៅមុនពេលឈានដល់ការឃាត់ខ្លួនក្រុមជនសង្ស័យបន្តបន្ទាប់ខាងលើ ដោយបានការដឹកនាំបញ្ជាដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កំលាំងអធិការដ្ឋាននគរបាលស្រុកសាមគ្គីមុនីជ័យ បានធ្វើការល្បាត នៅក្នុងភូមិសាស្ដ្រដោយសារតែមួយរយៈនេះកើតមានករណី បាត់សត្វគោរបស់ប្រជាពលរដ្ឋ និងអ្នកស្រុកជាហូរហែរល្បាតតាមផ្លូវជាតិលេខ៥១ ក្នុងភូមិរោងដំរី ឃុំភ្នំតូច ស្រុកសាមគ្គីមុនីជ័យ បានប្រទះឃើញជនសង្ស័យម្នាក់អង្គុយនៅលើម៉ូតូ ដូចជា រង់ចាំអ្នកណាម្នាក់ ។
ពេលនោះ សមត្ថកិច្ចនគរបាលបានធ្វើការសួរនាំ ពេលនោះជនសង្ស័យខាងលើបានផ្ដល់ចម្លើយរដិបរដុបមិនច្បាស់ថា ខ្លួនមកទីនេះធ្វើអ្វីឱ្យពិតប្រាកដនោះទេ! ទើបនគរបាលនាំមកប៉ុស្ដិ៍នគរបាលរដ្ឋបាលឃុំភ្នំតូច ដើម្បីធ្វើការសួរនាំបន្ថែម ។
នគរបាលខេត្តកំពង់ស្ពឺ បានបន្ថែមថា នៅពេលដែលសួរនាំជនសង្ស័យបានបញ្ជាក់ថា ខ្លួនមានឈ្មោះ វង់ ចាន់ផាក់ អាយុ៣៨ឆ្នាំ រស់នៅក្នុងភូមិធម្មយុទ្ធ សង្កាត់ផ្អេរ ក្រុងកំពង់ឆ្នាំង ខេត្តកំពង់ឆ្នាំង មកទីនេះ គឺឌុបមនុស្សម្នាក់មកជួបមិត្ដភក្តិ ប៉ុន្តែមិនដឹងមកធ្វើអីនោះទេ (មានឈ្មោះ នុត រ៉ា ភេទប្រុស អាយុ៤៣ឆ្នាំ រស់នៅម្តុំសាលាលេខ៥ ខេត្តកំពង់ឆ្នាំង) ដោយឈ្មោះ សំ ដារ៉ា បានឲ្យទៅដឹកមកពីសួនសត្វសាហ្វារី មកទម្លាក់ចោល នៅចំណុចខាងលើនេះ ។
បន្ទាប់មកឃើញមានរថយន្ដទ្រុងមួយគ្រឿងដឹកគោមួយមកដល់ម៉ាកហ៊ីយ៉ាន់ ដាយពណ៌ខៀវទ្រុងខ្ពស់បាំងជិតសងខាង មានគ្នាចំនួន៤នាក់ មិនចាំផ្លាកលេខនោះទេ !។ ដោយមានការដឹកនាំផ្ទាល់ពីលោកវរសេនីយ៍ឯក ខឹម សាម៉ុន អធិការនគរបាលស្រុក ជនសង្ស័យបានឆ្លើយថា អ្នកដែលខ្លួនដឹកមក គឺជាក្រុមចោរលួចគោ ក្នុងខេត្ដកំពង់ស្ពឺ ជាច្រើនដង និងបានដឹកយកទៅលក់ដោយមិនដែលមានអ្នកណាទាន់នោះទេ ។
បើតាមការមិនចាំច្បាស់លាស់ គឺធ្វើសកម្មភាពលួចសត្វគោរបស់ប្រជាពលរដ្ឋ ក្នុងស្រុកសាមគ្គីមុនីជ័យចំនួន០២លើក ស្រុកសំរោងទង ចំនួន០២លើក ស្រុកភ្នំស្រួច ចំនួន០៣លើក ស្រុកគងពិសីចំនួ ន៧លើកផងដែរ ។
នគរបាលខេត្តកំពង់ស្ពឺ បានបញ្ជាក់បន្ថែមថា នៅក្នុងក្នុងចំណោមបក្ខពួកខាងលើ គឺខ្លួនជាអ្នកដឹកឈ្មោះ សំ ដារ៉ា ដើរដាក់តាមគោលដៅដោយផ្ទាល់ រីឯបក្ខពួកផ្សេងទៀត មកតាមមធ្យោបាយផ្សេងៗ ក្នុងនោះឈ្មោះ ស.ន ភេទប្រុស អាយុ៣៣ឆ្នាំ ឈ្មោះ រ ភេទប្រុស អាយុ៣៤ឆ្នាំ ទាំង០២នាក់ រស់នៅខេត្តកំពង់ឆ្នាំង ។
ចំពោះវត្ថុតាងដែលដកហូត រួមមានទូរស័ព្ទចំនួន០២គ្រឿង ម៉ូតូ០១គ្រឿង ម៉ាកហុងដាសេ១២៥ ពណ៌ខ្មៅស៊េរីឆ្នាំ២០០៨ គ្មានផ្លាកលេខនោះទេ ។ ដោយបានការសម្របម្រួលនីតិវិធីពីតំណាងអយ្យការ និងសមត្ថកិច្ចពាក់ព័ន្ធកម្លាំងបានឈានទៅធ្វើការឃាត់ខ្លួនមុខសញ្ញាសង្ស័យឈ្មោះ សំ ដារ៉ា ហៅរ៉ា ភេទប្រុស អាយុ៤១ឆ្នាំ មុខរបរមិនពិតប្រាកដ រស់នៅក្នុងភូមិដើមពពេល ឃុំថ្មឥដ្ឋ ស្រុកកំពង់ត្រាច ខេត្តកំពង់ឆ្នាំង ។
បច្ចុប្បន្នក្រុមជនសង្ស័យ រួមជាមួយ និងវត្ថុតាងមួយចំនួនត្រូវបានឃាត់ខ្លួនបញ្ជូនទៅអធិការដ្ឋាននគរបាលស្រុកសាមគ្គីមុនីជ័យ ដើម្បីកសាងសំណុំរឿងបញ្ជូនទៅការិយាល័យព្រហ្មទណ្ឌខេត្ដកំពង់ស្ពឺ ចាត់ការបន្តតាមផ្លូវច្បាប់ ៕
ចែករំលែកព័តមាននេះ