ក្រោយពេលស្ថាប័នជំនាញថៃ ដាក់ផ្នែកខ្លះនៃទីក្រុងបាងកក និងខេត្តនៅជុំវិញតំបន់នោះឲ្យប្រុងប្រយ័ត្ននឹងជំងឺឆ្កែឆ្កួតនោះ នៅពេលនេះ មានសេចក្តីរាយការណ៍ថា វាមានករណីនេះនៅវៀតណាមដែរ ។ សារព័ត៌មាន Vietnam News…
ក្រោយពេលស្ថាប័នជំនាញថៃ ដាក់ផ្នែកខ្លះនៃទីក្រុងបាងកក និងខេត្តនៅជុំវិញតំបន់នោះឲ្យប្រុងប្រយ័ត្ននឹងជំងឺឆ្កែឆ្កួតនោះ នៅពេលនេះ មានសេចក្តីរាយការណ៍ថា វាមានករណីនេះនៅវៀតណាមដែរ ។
សារព័ត៌មាន Vietnam News បានរាយការណ៍ថា ជំងឺឆ្កែឆ្កួតនេះ វាបានសម្លា.ប់ ក្មេងស្រីវ័យ១១ឆ្នាំម្នាក់ នៅខេត្តងេអាន ភាគកណ្តាលនៃប្រទេស ក្រោយពេលដែលសត្វឆ្កែ ដែលនាងចិញ្ចឹមបានងាប់ ដោយជំងឺនេះហើយនោះ ។
ក្មេងស្រីត្រូវបាននាំមកមន្ទីរពេទ្យ ក្រោយពេលដែលក្មេងស្រីនេះ ចាប់ផ្តើមមានអារម្មណ៍អស់កម្លាំង ឈឺក្បាល និងបាត់បង់ចំណង់អាហារ ហើយក្រោយមកក៏ឈឺបំពង់ក និងពិបាកលេបអាហារ អមដោយគ្រុនក្តៅឡើងដល់៣៩,៤ អង្សាសេ ។ បន្ទាប់មកទៀត ស្ថានភាពរបស់នាង បានប្រែទៅជាគួរឱ្យភ័យខ្លាច ។ នាងឆាប់ខឹង ច្របូកច្របល់ ហើយចាប់ផ្តើមនិយាយមិនឈប់ ។
ក្រុមគ្រួសាររបស់អ្នកជំងឺ បានបញ្ជាក់ថា ដោយសារពួកគេមិនបានដឹងថា កុមារធ្លាប់ត្រូវឆ្កែខាំ ឬប៉ះពាល់ផ្ទាល់ជាមួយសត្វឆ្កែពីមុនមកពួកគេមិនបានផ្តល់ថ្នាំបង្ការដល់នាងឡើយ ។ ក្រោយពីទទួលបានការបញ្ជាក់ពីជំងឺឆ្កែឆ្កួត ក្រុមគ្រួសារបានសុំយកនាងទៅផ្ទះដើម្បីមើលថែ ។
ពាក់ព័ន្ធនឹងជំងឺនេះ គឺមានតែការចាក់ថ្នាំវ៉ាក់សាំងការពារជាមុនទេ ទើបអាច ជួយសង្គ្រោះជីវិតបាន ។ ហើយនៅក្នុងករណីវាឆ្លង គឺមានតែការរង់ចាំស្លាប់ប៉ុណ្ណោះ ។
នៅក្នុងករណីមនុស្សត្រូវរងរបួស ដោយសត្វឆ្កែ ឬសត្វចិញ្ចឹមកូនដោយទឹកដោះខាំ ឬខ្វាចឲ្យរបួសចាំបាច់ត្រូវលាងមុខរបួសឲ្យហ្មត់ចត់ ដោយទឹកសាប៊ូ១៥នាទី ហើយកុំជូតមុខរបួស ឬលាប ឬប្រើឧសថបុរាណ បន្ទាប់មក គឺត្រូវតែទៅមន្ទីរពេទ្យរកថ្នាំបង្ការ ៕
ចែករំលែកព័តមាននេះ