តើអ្នកធ្លាប់គិតទេថា ទម្លាប់ចូលបន្ទប់ទឹកញឹកញាប់នៅពេលយប់ អាចជាសញ្ញាប្រាប់ពីជំងឺធ្ងន់ធ្ងរ? ជំងឺ ដេកស្រមុកគាំងដង្ហើម (Obstructive Sleep Apnea) មិនមែនជារឿងលេងសើចនោះទេ វាអាចធ្វើឲ្យអ្នកមានអារម្មណ៍ងងុយគេងនៅពេលថ្ងៃ…
តើអ្នកធ្លាប់គិតទេថា ទម្លាប់ចូលបន្ទប់ទឹកញឹកញាប់នៅពេលយប់ អាចជាសញ្ញាប្រាប់ពីជំងឺធ្ងន់ធ្ងរ? ជំងឺ ដេកស្រមុកគាំងដង្ហើម (Obstructive Sleep Apnea) មិនមែនជារឿងលេងសើចនោះទេ វាអាចធ្វើឲ្យអ្នកមានអារម្មណ៍ងងុយគេងនៅពេលថ្ងៃ ទោះបីជាបានគេងគ្រប់គ្រាន់ក៏ដោយ។
ខាងក្រោមនេះជាអាការៈសំខាន់ៗដែលអ្នកគួរយកចិត្តទុកដាក់៖
១. រោគសញ្ញាដែលគួរប្រយ័ត្ន
ស្រមុកឮខ្លាំង និងគាំងដង្ហើម៖ ជាសញ្ញាច្បាស់បំផុតដែលអ្នកនៅក្បែរអ្នកគេងនឹងកត់សម្គាល់ឃើញ។
ងងុយគេងនៅពេលថ្ងៃ៖ ទោះបីជាបានគេងច្រើនម៉ោងក៏ដោយ ក៏នៅតែមានអារម្មណ៍អស់កម្លាំង។
ហត់ ឬដកដង្ហើមមិនគ្រប់គ្រាន់ពេលយប់៖ អាចធ្វើឲ្យអ្នកភ្ញាក់ពីគេង។
នោមយប់ញឹកញាប់៖ ជាសញ្ញាដែលរាងកាយកំពុងដឹងខ្លួនខុសពីធម្មតា។
បែកញើសពេលយប់ ឬឈឺក្បាលពេលភ្ញាក់ពីគេង។
២. វិធីធ្វើរោគវិនិច្ឆ័យ
ដើម្បីរកមូលហេតុ អ្នកត្រូវធ្វើតេស្តជាមួយគ្រូពេទ្យ៖
តេស្តនៅផ្ទះ៖ ករណីធម្មតា គ្រូពេទ្យនឹងផ្ដល់ឧបករណ៍ឱ្យអ្នកយកទៅភ្ជាប់ខ្លួនឯងពេលយប់នៅផ្ទះ។
តេស្តនៅមន្ទីរពេទ្យ៖ ករណីធ្ងន់ធ្ងរ ត្រូវធ្វើតេស្តនៅក្នុងមន្ទីរពេទ្យក្រោមការតាមដានរបស់គ្រូពេទ្យជំនាញ។
៣. វិធីព្យាបាលងាយៗ
ផ្លាស់ប្ដូរឥរិយាបថគេង៖ ព្យាយាមគេងផ្អៀងដើម្បីកុំឱ្យផ្លូវដង្ហើមស្ទះ។
ហាត់ប្រាណ៖ ជួយឱ្យទម្ងន់ធ្លាក់ចុះ និងពង្រឹងសាច់ដុំបំពង់ក។
ឧបករណ៍ជំនួយ៖ ប្រើប្រាស់ឧបករណ៍សម្រាន្តយប់ដែលជួយបើកផ្លូវដង្ហើមឱ្យបានស្រួល។
ប្រសិនបើអ្នកសង្ស័យថាមានអាការៈខាងលើនេះ សូមទៅពិគ្រោះជាមួយគ្រូពេទ្យជំនាញដើម្បីទទួលបានការព្យាបាលទាន់ពេលវេលា។ ការដឹងមុន ការពារមុន ជួយជីវិតអ្នកបាន!
ប្រភព៖ មន្ទីរពេទ្យកាល់ម៉ែត
ចែករំលែកព័តមាននេះ