ខេត្តស្ទឹងត្រែង៖ ដើម្បីចូលរួមចំណែកគាំទ្រផលិតផលខ្មែរ​, ផ្សារផលិតផលខ្មែរខេត្តស្ទឹងត្រែង បានបើកស្វាគមន៍ភ្ញៀវទេសចរ រៀងរាល់ចុងសប្តាហ៍ (ថ្ងៃសៅរ៍-អាទិត្យ)។

យោងតាមការចុះផ្សាយរបស់រដ្ឋបាលខេត្តស្ទឹងត្រែង នៅថ្ងៃទី១៣ ខែកញ្ញានេះ បានឱ្យដឹងថា
ក្រោមការផ្តួចផ្តើមពី ឯកឧត្តម សរ សុពុត្រា អភិបាលខេត្តស្ទឹងត្រែង មន្ទីរពាណិជ្ជកម្មខេត្ត បានសម្របសម្រួលក្នុងការគាំទ្រផ្សារផលិតផលខ្មែរខេត្តស្ទឹងត្រែង ដែលផលិតដោយកសិករគំរូ និងសិប្បកម្មខ្នាតតូចក្នុងខេត្ត មានដាក់លក់រៀងរាល់ថ្ងៃសៅរ៍-អាទិត្យ នៅមុខរូបសំណាកត្រីប៉ាសេអ៊ី ដងទន្លេសេកុង ក្រុងស្ទឹងត្រែង ខេត្តស្ទឹងត្រែ៕