ខេត្តស្វាយរៀង ៖ ពិតជាហ៊ានមែន ជនជាតិចិនចំនួន០៦នាក់ធ្វើសកម្មភាពវាយនិងច្របាច់.ក លោកមេប៉ុស្ត៍នគបាលរដ្ឋបាលឈើទាល ប្លន់យករថយន្តម៉ាកCAMMRY ឆ្លាមទាំងព្រឹក រួចបើកគេចខ្លួនយកទៅប្លុងចោលនៅខាងមុខកាស៊ីណូថាយថិនក្រុងបាវិត ។ បើតាមសមត្ថកិច្ចបានឲ្យដឹងថា…
ខេត្តស្វាយរៀង ៖ ពិតជាហ៊ានមែន ជនជាតិចិនចំនួន០៦នាក់ធ្វើសកម្មភាពវាយនិងច្របាច់.ក លោកមេប៉ុស្ត៍នគបាលរដ្ឋបាលឈើទាល ប្លន់យករថយន្តម៉ាកCAMMRY ឆ្លាមទាំងព្រឹក រួចបើកគេចខ្លួនយកទៅប្លុងចោលនៅខាងមុខកាស៊ីណូថាយថិនក្រុងបាវិត ។
បើតាមសមត្ថកិច្ចបានឲ្យដឹងថា កាលពីថ្ងៃទី១២ ខែកញ្ញា ២០២៥ វេលាម៉ោង៤និង១០នាទីព្រឹកទៀបភ្លឺ លោកអ៊ុក ផេត នាយប៉ុស្តិ៍នគរបាលរដ្ឋបាលឈើទាល បានទទួលព័ត៌មានពីប្រជាពរដ្ឋថា មានជនជាតិចិន១ក្រុមមានគ្នាចំនួន៦នាក់ មិនស្គាល់អត្តសញ្ញាណបានដើរតាមបណ្តោយផ្លូវកៅស៊ូ ស្ថិតនៅភូមិសង្កែ ឃុំឈើទាល ស្រុកស្វាយជ្រំខេត្តស្វាយរៀង ។
ពេលទទួលព័ត៌មានបានហើយ លោកនាយប៉ុស្តិ៍បានបើករថយន្តម៉ាកឆ្លាម ស៊េរី១៩៩៨ ពណ៌ប្រផេះផ្លាកលេខភ.ព ២J.០៦២៤ លេខតួលេខម៉ាស៊ីន ៨១៧១៣៦៣ ចេញពីប៉ុស្តិ៍នគរបាលរដ្ឋបាលឈើទាលម្នាក់ឯង បន្ទាប់មកមន្ត្រីប៉ុស្តិ៍បានបើករថយន្តទៅតាមពីក្រោយ ពេលទៅដល់បានឃើញជនជាតិចិនទាំង៦នាក់កំពុងតែដើរតាមផ្លូវ ភ្លាមនោះលោក អ៊ុក ផេត នាយប៉ុស្តិ៍
នគរបាលរដ្ឋបាលឈើទាល បានឈប់រថយន្តដើរទៅសួរនាំជនជាតិនោះ ស្រាប់តែក្រុមជនជាតិទាំង៦នាក់បានស្ទុះចូលចាប់ក្រៀកលោក អ៊ុក ផេត ជានាយប៉ុស្តិ៍រួចច្របាច់.ក ខ្លះយកសោរថយន្តទៅបញ្ឆេះរថយន្តឆេះ ហើយក៏នាំគ្នារត់ឡើងជិះបើករថយន្តគេចខ្លួនតែម្តង។
ភ្លាមៗនោះ លោក អ៊ុក ផេត នាយប៉ុស្តិ៍នគរបាលរដ្ឋបាលឈើទាល បានរាយការណ៍ជូនលោក អធិការនគរបាលស្រុកស្វាយជ្រំ ក៏បានបញ្ជាអោយកម្លាំងព្រហ្មទណ្ឌ ចុះធ្វើការស្រាវជ្រាវជុំវិញកន្លែងកើតហេតុ និងឆែកមើលកាមេរ៉ាមើលតាមដងផ្លូវទើបដឹងថា រថយន្តម៉ាកឆ្លាមរបស់ឈ្មោះ
អ៊ុក ផេត ក្រោយវាយប្លន់ហើយបានបើកតាមបណ្តោយផ្លូវទៅទិសខាងកើត។
ក្រោយពីស្រាវដឹងរួចហើយ លោកអធិការនគរបាលស្រុកស្វាយជ្រំ និងលោកវរសេនីយ៍ឯក គឹម ឡៃ ស្នងការរងទទួលការងារនគរបាលព្រហ្មទណ្ឌ បានដឹកនាំកម្លាំងជំនាញព្រហ្មទណ្ឌកំរិតស្រាល និងកម្លាំងជំនាញព្រហ្មទណ្ឌស្រុកស្វាយជ្រំ ចុះធ្វើការស្រាវជ្រាវ និងឆែកកាមេរ៉ាតាមដងផ្លូវរហូតដល់ក្រុងបាវិត ក៏បានសហការកម្លាំងជំនាញព្រហ្មទណ្ឌក្រុងបាវិត បានឃើញរថយន្តម៉ាកឆ្លាមសេរី១៩៩៨ ពណ៌ប្រផេះរបស់ឈ្មោះអ៊ុក ផេត ចតចោលនៅមុខកាស៊ីថាយថិន ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
ចំពោះជនសង្ស័យបានគេចខ្លួនបាត់ បន្ទាប់មក លោកវរសេនីយ៍ គឹម ឡៃ ស្នងការរង បានដឹកនាំកម្លាំងឆែកកាំម៉ារ៉ាសុវត្ថិភាព តាមដងផ្លូវទើបឃើញជនជាតិចិនទាំង៦នាក់ ដែលជាជនសង្ស័យបានឡើងជិះរថយន្តឈ្នួល ទៅទិសខាងលិចតាមផ្លូវជាតិលេខ១ ឆ្ពោះទៅក្រុងព្រះសីហនុ រហូតដល់ខេត្តកំពង់សោមគេចខ្លួនបាត់។
ក្រោយពីស្រាវជ្រាវរួចហើយ លោកអធិការនគរបាលស្រុកស្វាយជ្រំ និង លោកវរសេនីយ៍ ស្នងការរង បានរាយការណ៍ជូន លោកឧត្តមសេនីយ៍ទោស្នងការ និងបានសុំយោបល់ឯកឧត្តម ខាំ សុផារី ព្រះរាអាជ្ញាអមសាលាដំបូងខេត្តស្វាយរៀងតាមស្រាវជ្រាវបន្តរកជនសង្ស័យនៅខេត្តកំពង់សោមដើម្បីឃាត់កសាងសំណុំរឿងចាត់ការតាមនីតិវិធីច្បាប់។
ពិតជាហ៊ានមែន កាលពីថ្ងៃមុន មានជនបរទេសសង្ស័យជាជនជាតិវៀតណាម ឬជនជាតិចិនមានគ្នា៦ទៅ៧នាក់យករថយន្តមកប្លុងចោលចំនួន២គ្រឿងជាបន្តបន្ទាប់ បន្សល់ទុកអាវុធខ្លីមួយដើមរួចប្តូររថយន្តជិះគិចខ្លួនបាត់ស្រមោល មិនទាន់ឃើញម្ចាស់រថយន្តមកដោះស្រាយនៅឡើយនៅស្រុកស្វាយទាប ឥឡូវមកប្លន់ចំមេប៉ុស្តិ៍នៅស្រុកស្វាយជ្រំ៕
ចែករំលែកព័តមាននេះ