បាយជាអាហារចម្បងរបស់ប្រជាជនខ្មែរ ហើយមនុស្សជាច្រើនតែងតែបារម្ភថាការញ៉ាំបាយអាចធ្វើឲ្យឡើងគីឡូ។ តែការពិតទៅ បាយមិនមែនជាមូលហេតុតែមួយគត់ដែលធ្វើឲ្យធាត់នោះទេ។ បើចេះញ៉ាំក្នុងបរិមាណត្រឹមត្រូវ អ្នកនឹងទទួលបានកម្លាំងគ្រប់គ្រាន់ ហើយមិនបារម្ភរឿងឡើងគីឡូទៀតទេ។ ដើម្បីរក្សាកម្រិតថាមពល និងទម្ងន់ល្អ អ្នកអាចអនុវត្តតាមគន្លឹះងាយៗទាំងនេះ៖…
បាយជាអាហារចម្បងរបស់ប្រជាជនខ្មែរ ហើយមនុស្សជាច្រើនតែងតែបារម្ភថាការញ៉ាំបាយអាចធ្វើឲ្យឡើងគីឡូ។ តែការពិតទៅ បាយមិនមែនជាមូលហេតុតែមួយគត់ដែលធ្វើឲ្យធាត់នោះទេ។ បើចេះញ៉ាំក្នុងបរិមាណត្រឹមត្រូវ អ្នកនឹងទទួលបានកម្លាំងគ្រប់គ្រាន់ ហើយមិនបារម្ភរឿងឡើងគីឡូទៀតទេ។
ដើម្បីរក្សាកម្រិតថាមពល និងទម្ងន់ល្អ អ្នកអាចអនុវត្តតាមគន្លឹះងាយៗទាំងនេះ៖
១. កំណត់បរិមាណបាយ
ចំពោះបុរស៖ គួរញ៉ាំបាយពី ២ ទៅ ៣ ចាន ក្នុងមួយពេល (ចានរាបស្មើ) ហើយអាចញ៉ាំបាន ២ ទៅ ៣ ពេលក្នុងមួយថ្ងៃ អាស្រ័យលើសកម្មភាពរាងកាយ។
ចំពោះស្ត្រី៖ គួរញ៉ាំបាយពី ១ ទៅ ២ ចាន ក្នុងមួយពេល (ចានរាបស្មើ) ហើយអាចញ៉ាំបាន ២ ទៅ ៣ ពេលក្នុងមួយថ្ងៃ អាស្រ័យលើសកម្មភាពរាងកាយ។
បរិមាណនេះអាចកែប្រែទៅតាមកត្តាដូចជា អាយុ ភេទ កម្ពស់ និងសកម្មភាពប្រចាំថ្ងៃ។ អ្នកហាត់ប្រាណខ្លាំងឬអ្នកធ្វើការធ្ងន់ អាចញ៉ាំច្រើនជាងនេះបន្តិច។
២. គិតពីអាហារផ្សំ
ការញ៉ាំបាយជាមួយម្ហូបដែលមានជាតិខ្លាញ់ ជាតិស្ករ និងប្រៃច្រើន ក៏ជាមូលហេតុធ្វើឲ្យឡើងគីឡូដែរ។ ផ្ទុយទៅវិញ បើអ្នកញ៉ាំបាយជាមួយ បន្លែ សាច់គ្មានខ្លាញ់ និងត្រី ច្រើន អ្នកនឹងទទួលបានសារធាតុចិញ្ចឹមគ្រប់គ្រាន់ដោយមិនបារម្ភពីទម្ងន់។
៣. ជ្រើសរើសប្រភេទបាយ
បើអាច សូមញ៉ាំ បាយអង្ករសម្រូប (Brown Rice) ជំនួសបាយស។ អង្ករសម្រូបមានជាតិសរសៃខ្ពស់ជាង ដែលជួយឲ្យឆ្អែតបានយូរ កាត់បន្ថយចំណង់អាហារ និងជួយដល់ការរំលាយអាហារ។
៤. ញ៉ាំឱ្យបានទៀងទាត់
កុំរំលងអាហារពេលព្រឹក។ ការញ៉ាំទៀងទាត់អាចជួយបង្កើនការរំលាយអាហារ និងកាត់បន្ថយការឃ្លានអាហារពេលល្ងាចច្រើនពេក។
សរុបមក ការញ៉ាំបាយក្នុងបរិមាណល្មមជាមួយអាហារមានតុល្យភាព គឺជាគន្លឹះសំខាន់ដើម្បីរក្សាទម្ងន់និងសុខភាពល្អ។ តើអ្នកយល់យ៉ាងណាដែរ?
ចែករំលែកព័តមាននេះ