ខេត្តបាត់ដំបង ៖ ក្រុមអ្នកប្រើឧបករណ៍ខុសច្បាប់លួចឆក់ត្រីក្នុងភូមិចំនួន០៣នាក់ ត្រូវបានកម្លាំងកងរាជអាវុធហត្ថចេញល្បាតឆ្មក់បង្ក្រាបឃាត់ខ្លួនបាន រួមជាមួយនឹងវត្ថុតាងគ្រប់ដៃផង កាលពីវេលាម៉ោង៩យប់ថ្ងៃទី០៩ កញ្ញា ក្នុងភូមិស្វាយធំ ឃុំអូរដំបង២ ស្រុកសង្កែ …
ខេត្តបាត់ដំបង ៖ ក្រុមអ្នកប្រើឧបករណ៍ខុសច្បាប់លួចឆក់ត្រីក្នុងភូមិចំនួន០៣នាក់ ត្រូវបានកម្លាំងកងរាជអាវុធហត្ថចេញល្បាតឆ្មក់បង្ក្រាបឃាត់ខ្លួនបាន រួមជាមួយនឹងវត្ថុតាងគ្រប់ដៃផង កាលពីវេលាម៉ោង៩យប់ថ្ងៃទី០៩ កញ្ញា ក្នុងភូមិស្វាយធំ ឃុំអូរដំបង២ ស្រុកសង្កែ ពេលដែលពួកគេកំពុងប្រព្រឹត្តបទល្មើសជាក់ស្ដែង ។
យោងរបាយការណ៍សមត្ថកិច្ច ក្រុមអ្នកប្រព្រឹត្តបទល្មើសនេសាទកំប៉ិកកំប៉ុកទាំង០៣នាក់នោះមាន ១-ឈ្មោះ គឹម សំណាង អាយុ៣២ឆ្នាំ ២-ឈ្មោះ បឹប យ៉ុង អាយុ៣៣ឆ្នាំ និង៣-ឈ្មោះ ផេង សុផល អាយុ៤៣ឆ្នាំ ។ ពួកគេត្រូវកម្លាំងមូលដ្ឋានកងរាជអាវុធហត្ថ ស្រុកសង្កែ ឃាត់ខ្លួនពេលកំពុងនាំគ្នាធ្វើសកម្មភាពឆក់ត្រីដោយខុសច្បាប់ ។
បើតាមរបាយការណ៍ដដែលបានបញ្ជាក់ថា ជាមួយនឹងការឃាត់ខ្លួនមនុស្ស០៣នាក់នេះ សមត្ថកិច្ចដកហូតបានវត្ថុតាង «ឧបករណ៍ឆក់ត្រី»ចំនួន០៣ឈុត រួមនឹងវត្ថុតាងពាក់ព័ន្ធមួយចំនួនទៀត ។ ក្រោយសាកសួរបឋម សមត្ថកិច្ចបានបញ្ជូនជនសង្ស័យទាំង០៣នាក់ ប្រគល់ទៅឲ្យមន្ត្រីជលផលដុះក្អែល ឬចាត់ការបន្តតាមនីតិវិធីហើយ ៕
ចែករំលែកព័តមាននេះ