ផលិតផលកសិកម្មដែលកសិករ កម្ពុជា អាចផលិតបាន និងនាំចេញនៅក្នុងរយៈពេល៨ខែនៃឆ្នាំ២០២៥ គឺមាន១០០មុខ ដោយគិតជាទឹកប្រាក់សរុបបាន៣,៦២ពាន់លានដុល្លារ ។ តាមស្ថិតិដែលទទួលបានពីក្រសួងកសិកម្ម រុក្ខាប្រមាញ់ និងនេសាទ…
ផលិតផលកសិកម្មដែលកសិករ កម្ពុជា អាចផលិតបាន និងនាំចេញនៅក្នុងរយៈពេល៨ខែនៃឆ្នាំ២០២៥ គឺមាន១០០មុខ ដោយគិតជាទឹកប្រាក់សរុបបាន៣,៦២ពាន់លានដុល្លារ ។
តាមស្ថិតិដែលទទួលបានពីក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ផលិតផលកសិកម្មដែលកសិករផលិត ហើយនាំចេញបានគឺមាន១០០មុខមែន ប៉ុន្តែបរិមាណច្រើនបំផុត គឺមានតែស្រូវ អង្ករ ដំឡូងមី ទេដែលច្រើន ។
ក្រៅពីនោះ គឺមានដំឡូងមីស្រស់ ចំណិតដំឡូងមីក្រៀម គ្រាប់ស្វាយចន្ទី ផ្លែស្វាយស្រស់ ផ្លែចេកស្រស់ គ្រាប់ពោត ផ្លែមានស្រស់ ជាដើម ។
ប្រភពដដែលបានឲ្យដឹងថា ស្រូវកម្ពុជានាំចេញបាន៤,៨៤លានតោន អង្ករបាន៤៩ម៉ឺនតោន ដំឡូងមីស្រស់បាន១,៩៥ លានតោន ចំណិតដំឡូងមីក្រៀម បាន១,៣៥លានតោន គ្រាប់ស្វាយចន្ទីបានជាង៦១ម៉ឺនតោន ផ្លែស្វាយស្រស់ បានជាង១៨ម៉ឺនតោន ផ្លែចែកស្រស់បាន២១ម៉ឺនតោន គ្រាប់ពោតបាន១៤ម៉ឺនតោន ផ្លែមៀនស្រស់បានជាង២ម៉ឺនតោន ហើយផលិតផលដំណាំ៩១មុខទៀត គឺមានសរុប ជាង៥៥ម៉ឺនតោន៕
ចែករំលែកព័តមាននេះ