ខេត្តកំពង់ស្ពឺ ៖ ផ្សារផលិតផលខ្មែរក្នុងខេត្តកំពង់ស្ពឺបាននិងកំពុងដំណើរលក់កសិផល និងផលិតផលខ្មែរដែលបានដាំដុះ និងកែច្នៃដោយកសិករផលិតករ និងសិប្បករខ្មែរ នៅក្នុងខេត្តកំពង់ស្ពឺ នៅរៀងរាល់ថ្ងៃសុក្រ-ថ្ងៃសៅរ៍ និងថ្ងៃអាទិត្យ ចាប់ពីម៉ោង៦និង៣០នាទីព្រឹកដល់ម៉ោង១៨និង០០នាទី…
ខេត្តកំពង់ស្ពឺ ៖ ផ្សារផលិតផលខ្មែរក្នុងខេត្តកំពង់ស្ពឺបាននិងកំពុងដំណើរលក់កសិផល និងផលិតផលខ្មែរដែលបានដាំដុះ និងកែច្នៃដោយកសិករផលិតករ និងសិប្បករខ្មែរ នៅក្នុងខេត្តកំពង់ស្ពឺ នៅរៀងរាល់ថ្ងៃសុក្រ-ថ្ងៃសៅរ៍ និងថ្ងៃអាទិត្យ ចាប់ពីម៉ោង៦និង៣០នាទីព្រឹកដល់ម៉ោង១៨និង០០នាទី ដែលមានទីតាំងនៅបរិវេណវិមានឯករាជ្យ សួនច្បារសម្តេចព្រះសង្ឃរាជជោតញ្ញាណោ ជួន ណាត ជិតវេទិកាអុំទូក ស្ថិតនៅក្នុងភូមិទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។
សូមបញ្ជាក់ផងដែរថា ក្រោមការដឹកនាំ និងការគាំទ្ររបស់ក្រសួងពាណិជ្ជកម្ម និងមានការសម្របសម្រួលផ្តល់ទីតាំងរបស់រដ្ឋបាលខេត្ត មន្ទីរពាណិជ្ជកម្មខេត្តកំពង់ស្ពឺ ក្រោមគម្រោងជំរុញទីផ្សារសម្រាប់កសិកម្មខ្នាតតូច យីហោ (AIMS) នៃក្រសួងពាណិជ្ជកម្ម បានរៀបចំ និងដាក់ឲ្យដំណើរការផ្សារលក់ផលិតផលខ្មែរ ចាប់តាំងពីឆ្នាំ២០១៩ រហូតមកដល់បច្ចុប្បន្ននេះ។
បើយោងតាមមន្ទីរពាណិជ្ជកម្មខេត្តកំពង់ស្ពឺបានបញ្ជាក់ថា ផ្សារនេះមានគោលបំណងផ្ដល់ឱកាសទីផ្សារបន្ថែមដល់កសិករ ផលិតករអាជីវករខ្នាតតូច ជាតំណាងពីក្រុមកសិករផលិត និងជាការតភ្ជាប់ទំនាក់ទំនងទីផ្សារឱ្យកាន់តែប្រសើរ ដល់ក្រុមផលិតដែលអាចរកប្រាក់ចំណូល និងលើកកម្ពស់ជីវភាពរស់នៅពួកគេ ។ ការចូលរួមលើកកម្ពស់ និងប្រើប្រាស់ផលិតផលខ្មែរ ជាការរួមចំណែកបង្កើនផលិតភាពផលិតផលក្នុងស្រុកបង្កើនប្រាក់ចំណូល និងលើកស្ទួយជីវភាពប្រជាជន និងជំរុញអភិវឌ្ឍន៍សេដ្ឋកិច្ច-សង្គមឲ្យកាន់តែប្រសើរឡើងផងដែរ ។
មន្ទីរពាណិជ្ជកម្មខេត្តកំពង់ស្ពឺ ធ្វើការអំពាវនាវសូមចូលរួមគាំទ្រផ្សារផលិផល ដើម្បីលើកស្ទួយជីវភាពកសិករ និងផលិតករខ្មែរទាំងអស់គ្នា៕
ចែករំលែកព័តមាននេះ