ខេត្តតាកែវ ៖ ប្រភពពីប្រជាពលរដ្ឋ បានលើកឡើងថា មានករណីបុគ្គលមានលុយមានអំណាចមួយចំនួន បានគប់គិតគ្នាជាប្រព័ន្ធ ជាមួយអាជ្ញាធរពាក់ព័ន្ធ ចាក់ដីរំលោភចូលចំណីបឹង (ជាបឹងធម្មជាតិ) ដែលនៅទល់មុខមណ្ឌលសុខភាពឃុំបូរីជល់សារ…
ខេត្តតាកែវ ៖ ប្រភពពីប្រជាពលរដ្ឋ បានលើកឡើងថា មានករណីបុគ្គលមានលុយមានអំណាចមួយចំនួន បានគប់គិតគ្នាជាប្រព័ន្ធ ជាមួយអាជ្ញាធរពាក់ព័ន្ធ ចាក់ដីរំលោភចូលចំណីបឹង (ជាបឹងធម្មជាតិ) ដែលនៅទល់មុខមណ្ឌលសុខភាពឃុំបូរីជល់សារ ស្រុកបូរីជល់សារ ខេត្តតាកែវ ។
ដោយពួកគាត់បានសង្ស័យថា បានគប់គិតគ្នាជាប្រព័ន្ធជាមួយអាជ្ញាធរពាក់ព័ន្ធអស់ហើយ ដើម្បីរំលោភយកដីបឹង ដែលជាសម្បត្តិរបស់រដ្ឋ យកធ្វើជាកម្មសិទ្ធផ្ទាល់ខ្លួន ហើយពួកគាត់សង្ស័យថា ជាបុគ្គលមានលុយមានអំណាចទៀតផង ប្រសិនបើពលរដ្ឋធម្មតាវិញ ចាក់ដីចូលចំណីបឹងតែ ១ឡាន ពិតណាស់ គឺត្រូវមានទោសទណ្ឌ ពីបទរំលោភចូលដីបឹងមិនខានឡើយ ។
ហើយរឿងរ៉ាវខាងលើនេះដែរ អង្គភាពសារព័ត៌មាន បានសាកសួរ ដើម្បីសុំការបំភ្លឺពីសំណាក់លោក ស៊ូ ភិរម្យ អភិបាលស្រុកបូរីជល់សារ លោកបានបញ្ជាក់ប្រាប់ឱ្យទៅសាកសួរ ប្រធានមន្ទីររៀបចំដែនដី នគរូបនីយកម្មសំណង់ និងសុរិយោដីខេត្តតាកែវ ទៅដឹងហើយ ។ ចំណែកលោក នួន សុធា ប្រធានមន្ទីររៀបចំដែនដី នគររូបនីយកម្ម សំណង់ និងសុរិយោដីខេត្តតាកែវ បានឱ្យទៅសាកសួរទៅការិយាល័យសុរិយោដីស្រុកបូរីជល់សារ ទៅវិញ មិនអស់ចិត្តអង្គភាពយើងក៏បានខលទៅសួរ ប្រធានការិយាល័យសុរិយោដីស្រុក លោកក៏បានឱ្យទៅសួរ ប្រធាការិល័យសេដ្ឋកិច្ចសហគមន អង្គភាពយើង ក៏បន្តខលទៅសាកសួរបន្ត ពេលខលចូល ក៏ប្រាប់ថា ខ្ញុំជាអ្នកនៅខេត្តតាកែវ មិនបានដឹងរឿងនោះទេ ។
តើមានរឿងអ្វីនៅពីក្រោយខ្នង បានជាមន្ត្រីពាក់ព័ន្ធមួយចំនួន ឆ្លើយយករួចខ្លួន ដោយរុញច្រានដាក់គ្នាពីមួយទៅមួយបែបនេះ ? ឆ្លើយដោយគ្មានទំនួលខុសត្រូវ ក្នុងនាមជាមន្ត្រីជាអ្នកបម្រើប្រជាពលរដ្ឋ និងផលប្រយោជន៍របស់ប្រទេសជាតិ ហើយជាមន្ត្រីដែលមានតួនាទី ការពារធន់ធានធម្មជាតិ មិនគួរបណ្ដែតបណ្ដោយឱ្យបុគ្គលមួយចំនួន មកបំពានច្បាប់បែបនេះឡើយ ។
ប្រសិនបើនៅតែបន្តឱ្យមានបុគ្គលមានលុយមានអំណាច មកចាក់ដីរំលោភយកដីបឹង ដែលជាសម្បត្តិរបស់រដ្ឋ តាមអំពើចិត្តបែបនេះ ច្បាស់ណាស់ថា ពិតជាផ្ទៃបឹង នឹងរួមតូចបណ្ដើរៗហើយ និងជាគំរូ មិនល្អ សម្រាប់បុគ្គលផ្សេងទៀត ឬមួយកន្ទេលធំបន្លំដេកក្បាលទំពែកកន្លះកោ និងមួយវិញទៀត អ្នកដែលហ៊ានចាក់ដីរំលោភចូលបឹងនេះ មានអំណាចជាងខ្លួនទើបមិនហ៊ានហាមឃាត់។
ប្រជាពលរដ្ឋ រស់នៅតំបន់នោះ បានធ្វើការសំណូមពរ ទៅដល់លោក វ៉ី សំណាង អភិបាល នៃគណៈអភិបាលខេត្តតាកែវ និងអាជ្ញាធរ ក្រសួងពាក់ព័ន្ធ ជាពិសេស ឯកឧត្ដមរដ្ឋមន្ត្រី ក្រសួងធនធានទឹក មេត្តាចុះស៊ើបអង្កេត និងស្រាវជ្រាវបញ្ហាខាងលើនេះផង ដើម្បីឲ្យពួកគាត់ងាយស្រួលការពារដីបឹង (ដែលជាសម្បត្តិធម្មជាតិរបស់រដ្ឋ) កុំឱ្យបុគ្គលមានលុយ មានអំណាចមួយចំនួន ហ៊ានបំពានច្បាប់ យកតួនាទីរបស់ខ្លួន មកចាក់ដីរំលោភចូលធ្វើជាកម្មសិទ្ធិផ្ទាល់ខ្លួន ដោយមិនខ្លាចច្បាប់នោះ ៕
ចែករំលែកព័តមាននេះ