ខេត្តរតនគិរី ៖ គិតត្រឹមថ្ងៃទី៣០ ខែកញ្ញា ឆ្នាំ២០២៥ កម្លាំងចម្រុះនៃរដ្ឋបាលខេត្តរតនគិរី នៅតែបន្តប្រតិបត្តិការរុករកពលរដ្ឋចំនួន៤ នាក់ ដែលបានបាត់ខ្លួន តាំងពីយប់ថ្ងៃទី២៥…
ខេត្តរតនគិរី ៖ គិតត្រឹមថ្ងៃទី៣០ ខែកញ្ញា ឆ្នាំ២០២៥ កម្លាំងចម្រុះនៃរដ្ឋបាលខេត្តរតនគិរី នៅតែបន្តប្រតិបត្តិការរុករកពលរដ្ឋចំនួន៤ នាក់ ដែលបានបាត់ខ្លួន តាំងពីយប់ថ្ងៃទី២៥ ខែកញ្ញា មកម្ល៉េះ ដោយសារតែជំនន់ទឹកភ្លៀងហូរបោកគួចយកទៅ ។
រដ្ឋបាលខេត្តរតនគិរី បានប្រកាសនៅលើបណ្តាញសង្គមនា ថ្ងៃទី៣០ ខែកញ្ញានេះថា ៖ ថ្ងៃទី៣០ ខែកញ្ញា ឆ្នាំ២០២៥ ឯកឧត្តម នាង សំអាត អភិបាលរងនៃគណៈអភិបាលខេត្តរតនគីរី បានដឹកនាំកម្លាំងចម្រុះខេត្ត និងលេខាធិការដ្ឋាននៃគណៈកម្មការគ្រប់គ្រងគ្រោះមហន្តរាយខេត្ត ដោយសហការជាមួយនឹងកម្លាំងរដ្ឋបាលស្រុកអូរជុំ និងអាជ្ញាធរមូលដ្ឋានពាក់ព័ន្ធ បន្តចុះរុករកប្រជាពលរដ្ឋចំនួន៤នាក់ ដែលបានបាត់ខ្លួន ដោយសារជំនន់ទឹកភ្លៀងហូរគួចយកទៅ នាយប់ថ្ងៃទី២៥ ខែកញ្ញា ឆ្នាំ២០២៥ កន្លងទៅ ។
ដោយស្ថានភាពភូមិសាស្ត្រពិបាក ទឹកអូរជ្រៅ និងស្ថានភាពទឹកហូរខ្លាំង មានត្រឹបព្រៃជាដុំៗដោយសារទឹកហូររមូរខ្លាំងធ្វើឱ្យការរុករកមានការពិបាក ។
ដោយគិតមកទល់ពេលនេះ ប្រជាពលរដ្ឋដែលបាត់ខ្លួនចំនួន៤នាក់នោះ ពុំទាន់បានរកឃើញនៅឡើយទេ ។ អាជ្ញាធររដ្ឋបាលស្រុកអូរជុំ ក៏ដូចជា រដ្ឋបាលខេត្តរតនគិរី កំពុងដុតដៃដុតជើង ដឹកនាំកម្លាំងបន្តរុករក ៕
ចែករំលែកព័តមាននេះ