រាជធានីភ្នំពេញ ៖ ការិយាល័យបង្ការពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញ បានប្រកាសនារសៀលថ្ងៃទី១០ ខែកញ្ញា ឆ្នាំ២០២៥ថា ៖ ព័ត៌មានបឋម ខណៈនេះមានករណីអគ្គិភ័យកំពុងឆាបឆេះរថភ្លើងមួយគ្រឿង…
រាជធានីភ្នំពេញ ៖ ការិយាល័យបង្ការពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញ បានប្រកាសនារសៀលថ្ងៃទី១០ ខែកញ្ញា ឆ្នាំ២០២៥ថា ៖ ព័ត៌មានបឋម ខណៈនេះមានករណីអគ្គិភ័យកំពុងឆាបឆេះរថភ្លើងមួយគ្រឿង ដែលស្ថិតនៅសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
ករណីឆាបឆេះរថភ្លើងខាងលើនេះបានកើតឡើង នាវេលាម៉ោង ២និង១០នាទីរសៀល ថ្ងៃទី១០ ខែកញ្ញា ឆ្នាំ២០២៥ ដែលស្ថិតនៅសង្កាត់សំរោងក្រោម ខណ្ឌពោធិ៍សែនជ័យ ។
ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានបញ្ជាក់ថា ៖ ក្រោយពីទទួលបានដំណឹងនេះភ្លាម កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យទៅជួយអន្តរាគមន៍ផងដែរ ។
សូមបញ្ជាក់ថា ចំពោះមូលហេតុនៃការឆាបឆេះខាងលើនេះ ខាងយើងនូវមិនទាន់ដឹងពីមូលហេតុនៅឡើយទេ ៕
ចែករំលែកព័តមាននេះ