ខេត្តកំពង់ស្ពឺ ៖ ក្រុមជនសង្ស័យចំនួន០៤នាក់ (មានស្រីមានប្រុស) ត្រូវបានកម្លាំងនគរបាលស្រុកឱរ៉ាល់ធ្វើការឃាត់ខ្លួនបាន ខណៈដែលទីតាំងខាងលើជាកន្លែងម៉ាស្សា កោសជប់ ប៉ុន្តែបង្កប់ការជួញដូរ រក្សាទុក និងប្រើប្រាស់គ្រឿងញៀនទៅវិញ។…
ខេត្តកំពង់ស្ពឺ ៖ ក្រុមជនសង្ស័យចំនួន០៤នាក់ (មានស្រីមានប្រុស) ត្រូវបានកម្លាំងនគរបាលស្រុកឱរ៉ាល់ធ្វើការឃាត់ខ្លួនបាន ខណៈដែលទីតាំងខាងលើជាកន្លែងម៉ាស្សា កោសជប់ ប៉ុន្តែបង្កប់ការជួញដូរ រក្សាទុក និងប្រើប្រាស់គ្រឿងញៀនទៅវិញ។
ការបង្ក្រាបទីតាំងម៉ាស្សា កោសជប់ បង្កប់ជួញដូរគ្រឿងញៀនបានធ្វើឡើង កាលពីព្រឹកថ្ងៃទី៩ ខែកញ្ញា ឆ្នាំ២០២៥ នៅចំណុចផ្ទះមួយកន្លែង រកស៊ី(ម៉ាស្សា កោសជប់) ស្ថិតនៅក្នុងភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
សមត្ថកិច្ចខេត្តកំពង់ស្ពឺបាននិយាយឱ្យដឹងថា ក្រុមជនសង្ស័យដែលឃាត់ខ្លួនបាន ទី១-ឈ្មោះប្រាជ្ញ វណ្ណស៊ី ភេទប្រុស អាយុ២៩ឆ្នាំ រស់នៅភូមិពោធិ៍មាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ទី២-ឈ្មោះ ម៉េវ សុផន ហៅកុយ ភេទប្រុស អាយុ៦៥ឆ្នាំ (ជាម្ចាស់ផ្ទះផ្តល់ទីតាំង)រស់នៅភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ទី៣-ឈ្មោះអ៊ុត ស្រីអូន ហៅស្រីលក្ខ ភេទស្រី អាយុ៣៥ឆ្នាំ រស់នៅភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ និងទី៤-ឈ្មោះ សោម ចន្តា ភេទស្រី អាយុ៣៥ឆ្នាំ រស់នៅភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
សមត្ថកិច្ចខេត្តកំពង់ស្ពឺបាននិយាយបន្តថា នៅមុនពេលឈានទៅធ្វើការបង្ក្រាបទីតាំង ម៉ាស្សា កោសជប់ខាងលើនេះ គឺកម្លាំងជំនាញផ្នែកប្រឆាំងបទល្មើសគ្រឿងញៀននៃអធិការដ្ឋាននគរបាលស្រុកឱរ៉ាល់បានដឹកនាំកម្លាំងប៉ុស្តិ៍នគរបាលរដ្ឋបាលឃុំត្រពាំងជោបានធ្វើការបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបានចំនួន០៤នាក់ ហើយធ្វើការដកហូតវត្ថុតាងមាន៖
ម្សៅក្រាមសថ្លាសង្ស័យថាជាគ្រឿងញៀនចំនួន០៤កញ្ចប់(១មធ្យម ៣តូច) ម៉ូតូចំនួន០១គ្រឿង ម៉ាកហុងដាស៊ីប៊ី សេ១៥០ ស៊េរីឆ្នាំ២០១៨ ពណ៌ខ្មៅពាក់ស្លាកលេខ ភ្នំពេញ 1JR- 4377
ទូរសព្ទដៃចំនួន០៤គ្រឿង។
សមត្ថកិច្ចខេត្តកំពង់ស្ពឺបានបញ្ជាក់ថា នៅក្នុងករណីខាងលើនេះដែរ មានជនសង្យ័យម្នាក់ឈ្មោះប្រាជ្ញ វណ្ណស៊ី មានដីកាបង្កាប់ឱ្យចាប់ខ្លួនលេខ៤១០/២៤តាមបញ្ជារបស់លោក ប៉ែនកាម៉ងកា ចៅក្រមស៊ើបសួរ ចុះថ្ងៃទី២២ ខែកក្កដា ឆ្នាំ២០២៤ផងដែរ ។
បច្ចុប្បន្ន ក្រុមជនសង្ស័យទាំង០៤នាក់រួមជាមួយនិងវត្ថុតាងខាងលើត្រូវឃាត់ខ្លួនយកទៅសួរនាំនៅអធិការដ្ឋាននគរបាលស្រុកឱរ៉ាល់ និងបានកសាងសំណុំរឿង បញ្ជូនបន្តដើម្បីចាត់ការតាមផ្លូវច្បាប់ ៕
ចែករំលែកព័តមាននេះ