សត្វល្អិតក្នុងពោះវៀនអាចប៉ះពាល់ដល់សុខភាពទាំងមូលរបស់អ្នក។ ការយល់ដឹងពីសញ្ញាណនៃបញ្ហានេះអាចជួយឱ្យអ្នកដោះស្រាយបានទាន់ពេល។ ខាងក្រោមនេះជាសញ្ញា ៣ យ៉ាងដែលអ្នកអាចកំពុងមានបញ្ហាសត្វល្អិតក្នុងខ្លួន៖ ១. វិលមុខ និងអស់កម្លាំងសត្វល្អិតមិនត្រឹមតែរស់នៅក្នុងពោះវៀនទេ តែវាក៏ស៊ីសារធាតុចិញ្ចឹមពីអាហារដែលអ្នកបានញ៉ាំដែរ។ ដូច្នេះទោះបីជាអ្នកញ៉ាំអាហារបានគ្រប់គ្រាន់ក៏ដោយ…
សត្វល្អិតក្នុងពោះវៀនអាចប៉ះពាល់ដល់សុខភាពទាំងមូលរបស់អ្នក។ ការយល់ដឹងពីសញ្ញាណនៃបញ្ហានេះអាចជួយឱ្យអ្នកដោះស្រាយបានទាន់ពេល។
ខាងក្រោមនេះជាសញ្ញា ៣ យ៉ាងដែលអ្នកអាចកំពុងមានបញ្ហាសត្វល្អិតក្នុងខ្លួន៖
១. វិលមុខ និងអស់កម្លាំង
សត្វល្អិតមិនត្រឹមតែរស់នៅក្នុងពោះវៀនទេ តែវាក៏ស៊ីសារធាតុចិញ្ចឹមពីអាហារដែលអ្នកបានញ៉ាំដែរ។ ដូច្នេះទោះបីជាអ្នកញ៉ាំអាហារបានគ្រប់គ្រាន់ក៏ដោយ ក៏រាងកាយរបស់អ្នកមិនអាចទទួលបានជីវជាតិបានពេញលេញដែរ។ ជាលទ្ធផល អ្នកអាចនឹងមានអារម្មណ៍ វិលមុខ និងអស់កម្លាំង គ្រប់ពេលដោយគ្មានមូលហេតុច្បាស់លាស់។
២. រមាស់ស្បែក
ការរមាស់ស្បែកអាចបណ្ដាលមកពីបញ្ហាជាច្រើន តែក្នុងចំណោមនោះ ក៏មានវត្តមានសត្វល្អិតក្នុងពោះវៀនដែរ។ ជាពិសេស ពពួកអៀន ឬព្រូនតូចៗ អាចបង្កឱ្យមានការរមាស់ស្បែក និង រមាស់រន្ធគូថ។
៣. ឈឺពោះ
ការឈឺក្នុងពោះជាញឹកញាប់ ជាពិសេសមានអាការៈដូចជា ផោមច្រើន ហើមពោះ និងរាករូស អាចជាសញ្ញាបញ្ជាក់ពីវត្តមានសត្វល្អិតក្នុងពោះវៀន។ អ្នកគួរតែសង្ស័យខ្លួនឯង ជាពិសេសបើសិនជាអ្នកមានទម្លាប់ញ៉ាំអាហារដែលមិនផ្តល់អនាម័យត្រឹមត្រូវ។
ការណែនាំ៖
ជាទូទៅ គ្រូពេទ្យបានណែនាំឱ្យលេបថ្នាំបញ្ចុះសត្វល្អិត រៀងរាល់ ៣ ខែម្តង ឬយ៉ាងយូរ ៦ ខែម្តង។ នេះគឺដើម្បីការពារសត្វល្អិតដែលអាចចូលមកក្នុងខ្លួនដោយការធ្វេសប្រហែសផ្នែកអនាម័យ។ ទោះជាយ៉ាងណាក៏ដោយ អ្នកមិនគួរទិញថ្នាំមកប្រើប្រាស់ដោយខ្លួនឯងទេ។ គួរតែពិគ្រោះជាមួយគ្រូពេទ្យជំនាញជាមុនដើម្បីទទួលបានការណែនាំត្រឹមត្រូវមុននឹងប្រើប្រាស់ថ្នាំ៕
ចែករំលែកព័តមាននេះ