សម្ដេចព្រះព្រហ្មរតនមុនី ពិន សែម សិរីសុវណ្ណោ ឧត្តមទីប្រឹក្សាគណៈសង្ឃនាយក និងប្រធានថេរសភាសង្ឃព្រះពុទ្ធសាសនាកម្ពុជា និងមន្ត្រីសង្ឃខេត្តសៀមរាប បានមានថេរដីកា នៅថ្ងៃទី០៧ ខែកញ្ញា…
សម្ដេចព្រះព្រហ្មរតនមុនី ពិន សែម សិរីសុវណ្ណោ ឧត្តមទីប្រឹក្សាគណៈសង្ឃនាយក និងប្រធានថេរសភាសង្ឃព្រះពុទ្ធសាសនាកម្ពុជា និងមន្ត្រីសង្ឃខេត្តសៀមរាប បានមានថេរដីកា នៅថ្ងៃទី០៧ ខែកញ្ញា ថា យុទ្ធជនពលីកម្ពុជាបានលះបង់ធំធេងណាស់ ។ ដូច្នេះ ពលរដ្ឋទាំងអស់ គប្បីត្រូវមាន
កត្តញូចំពោះក្រុមគ្រួសារពួកគេ ។
នៅក្នុងពិធីបុណ្យទក្ខិណានុប្បទាន ដើម្បីជូនបុណ្យចំពោះវីរជនកងទ័ពខ្មែរគ្រប់លំដាប់ថ្នាក់ដែលកំពុងបំពេញបេសកកម្មនៅសមរភូមិ និងឧទ្ទិសកុសលជូនចំពោះវិញ្ញាណក្ខន្ធវីវកងទ័ពដែលបាន
ពលីជីវិតក្នុងបុព្វហេតុជាតិការពារបូរណភាពទឹកដី ក្នុងអំឡុងពេលនៃជម្លោះព្រំដែន កម្ពុជា-ថៃ ដែលផ្តួចផ្តើមរៀបចំឡើងនៅវត្តរាជបូណ៌ ក្រុងសៀមរាប ខេត្តសៀមរាប ដោយសម្តេច ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ ព្រះអង្គបានមានថេរដិកាថា «ការពលីជីវិតរបស់វីរកងទ័ព ក្នុងបុព្វហេតុជាតិ ការពារបូរណភាពទឹកដី មានគុណធ្ងន់ណាស់ យើងមិនអាចបំភ្លេចបានទេ» ។
សម្ដេចព្រះព្រហ្មរតនមុនី ពិន សែម សិរីសុវណ្ណោ បានមានថេរដីកាថា ប្រជាជនកម្ពុជាទាំងអស់ត្រូវមានកត្តញ្ញូចំពោះគ្រួសារវីរកងទ័ពដែលបានពលីជីវិតក្នុងបុព្វហេតុជាតិ ការពារបូរណភាពទឹកដី ទោះបីរាជរដ្ឋាភិបាលបានគិតគូរពួកគាត់ហើយក្តី ។ ប៉ុន្តែយើងទាំងអស់គ្នាត្រូវជួយបន្ថែម តិចក្តី ច្រើនក្តី គឺត្រូវតែជួយ ដើម្បីឱ្យគ្រួសារវីរកងទ័ពដែលបានពលីជីវិតក្នុងបុព្វហេតុជាតិទាំងនេះ រស់នៅបានស្រួល កូនចៅបានរៀនសូត្រខ្ពង់ខ្ពស់ ។
សម្តេចព្រះព្រហ្មរតនមុនី ពិន សែម សិរីសុវណ្ណោ បានមានថេរដីកាបង្ហាញពីការសោកស្តាយ ចំពោះការបាត់បង់នូវវីរកងទ័ពកម្ពុជាដែលបានពលីជីវិតបូជា ដើម្បីការពារព្រំដែនទឹកដី និងអធិបតេយ្យភាពជាតិខ្មែរ ប្រកបដោយភាពអង់អាចក្លាហាន ។
សម្ដេចព្រះព្រហ្មរតនមុនី ពិន សែម សិរីសុវណ្ណោមានថេរដិការបន្តថា ការពលីជីវិតរបស់វីរកងទ័ពកម្ពុជាយើង គឺជាការលះបង់ដ៏ធំធេង និងមានគុណបំណាច់មិនអាចកាត់ថ្លៃបានចំពោះជាតិកម្ពុជាទាំងមូល ដែលយើងត្រូវតែគោរព និងផ្តល់តម្លៃជាវីរបុរសពិតរបស់ជាតិ ប្រកបដោយកិត្តិយសជាអមតៈ សម្រាប់ប្រវត្តិសាស្ត្រកម្ពុជា ។
ចែករំលែកព័តមាននេះ